慈素小聚

營業中

休息中

尖沙咀慈素小聚真係一個搵食天堂✨素食菜式多得令人眼花繚亂，味道仲超水準！每樣餸都係即叫即煮，送到枱上熱辣辣，食得開心又放心💕🌱韓式炸醬麵：口感彈牙，醬汁香濃到連最後一條麵都唔想放過😋韓味十足，配搭得宜，好啱鐘意韓式風味嘅朋友！🍲韓式紅參雞湯：養生之選，雖然係素食版，味道一樣甘醇清香🤍口味溫和又暖胃，好適合天氣涼嘅時候飲。🍑香芒天婦羅炸豆腐：外層炸得脆卜卜，入面豆腐軟滑，再加香甜嘅芒果，呢個組合簡直就係天作之合🍴每一啖都充滿驚喜！🥗羅馬紫菜沙律卷：造型精緻，紫菜包住新鮮蔬菜，仲有啱啱好嘅調味料👏食起來清新爽口又有層次感，健康又好味！🍄鮮竹蒸牛肉球：呢個真係一絕✨樣貌、味道幾可亂真！牛肉球入面有馬蹄加陳皮，配隱汁味道層次分明，再加底下嘅腐皮，咬落鬆軟彈牙，仲有啲少少韌度，好滿足！☕鳥結糖拿鐵：甜甜地帶啲獨特嘅焦糖香味，用燕麥奶沖嘅咖啡飲落去Creamy又滑口🫶呢杯嘢簡直係甜品同咖啡嘅完美結合！整體嚟講，每道菜都係用心烹調，唔單止造型逼真，味道更加值得一讚🙌再加上服務貼心，價錢相宜，尖沙咀慈素小聚絕對值得約埋朋友仔嚟試吓🌟🍽️👍用素食重新演繹傳統滋味，真係打開咗味覺新世界呀💡🫶🍴慈素小聚📍麼地