The Pearl

呢晚嚟到位於尖沙咀酒店入面嘅餐廳 The Pearl，真係一個好特別嘅體驗。成間餐廳好有格調，昏暗嘅燈光帶出浪漫同高級嘅感覺，而且仲可以喺吧枱食飯，感覺好chill。 首先講下前菜，秘魯吞拿魚伴蕃茄沙沙配香烤鱈魚脆片及黑醋汁，呢道菜真係好驚喜。吞拿魚好鮮味，配埋蕃茄沙沙同黑醋汁嘅酸甜清新，下面仲有香烤鱈魚脆片，口感層次好豐富，真係一啖啖驚喜。 之後我哋試咗蒜片橄欖油封大蝦配佛卡夏多士，啲蒜片同橄欖油帶出濃郁嘅鹹香味，大蝦大大隻又彈牙，咬落去好juicy，而多士亦都烘得好香脆。 主菜方面，和風原隻磯煮鮑魚配野菌意大利飯，真係不得不讚！野菌意大利飯好creamy，但又唔會太膩，飯粒粒分明又彈牙。磯煮鮑魚入晒味。 另外仲有慢煮西班牙黑毛豬胺架，呢個豬胺好厚身，肉質爽彈，食落去完全唔會嚡，調味啱啱好，真係一流。 飲品方面，我哋叫咗兩杯cocktail，第一杯係 milk tea or me，有啲似long island，味道清新！第二杯係 crimson samurai，帶有茉莉茶同蘋果嘅香味，入口細膩又有層次。