Amitie Kitchen

營業中

休息中

今日同中學同學敘舊，去咗尖沙咀厚福街嘅一間西餐廳食飯😆餐廳嘅裝飾同埋燈光都十分有情調，啱晒一班朋友或者情侶去傾偈食飯✨餐包✨餐前會送上一碟有三個款式嘅餐包，有甜有鹹。有麵包脆條、綠茶提子乾餐包同埋蕃茄芝士包。每一款都熱辣辣，最欣賞綠茶提子乾餐包，外脆內軟✨火炙半熟三文魚伴紫蘇莎莎✨三文魚呈半熟狀態，外層有稍稍火炙過，逼出三文魚嘅油香。配上紫蘇莎莎醬及車厘茄沙律，好開胃😋✨美國頂級西冷扒(8oz)✨叫咗五成熟，牛肉鮮嫩多汁，煮得恰到無處，完全冇筋，一啲都唔靭😋份量都唔少。配菜有粟米、蕃茄，仲有煙肉薯仔，都幾特別😆✨牛肝菌蘆筍意大利飯✨上菜嘅時候已經充滿着一陣菇菌嘅香氣，配上芝士嘅意大利飯經過慢煮，變得好Creamy仲有爽口嘅蘆筍，為整頓菜加咗多重嘅口感。✨朱古力心太軟配士多啤梨雪糕✨朱古力心太軟熱辣辣，打開成流心效果，配上士多啤梨雪糕，冰火相容，好出色嘅一道甜品😋😋😋✨水果茶✨另外飲品叫咗一杯水果茶，有淡淡的果香，餐後可以解解膩。