Mue Mue

營業中

休息中

muemue位於尖沙咀美麗華高級地段，餐廳都係行high class路線，裝修相當高檔，環境舒適寬敞得嚟食物質素都好高～先點左份紅磚豆腐，外脆內滑，至於紅色因為用左紅菜頭炸漿，令豆腐味道再多咗層次。跟住點嘅冬蔭功海鮮湯真係要推介，超級好味！湯底本身辣辣地，集合晒海鮮嘅精華，單飲湯都好好味。而且海鮮份量同種類都好多，魷魚大蜆等都好鮮甜。另一個要大力推介嘅係金沙麥皮蝦，炸得香脆惹味，蝦肉結實彈牙，大大隻又夠新鮮，好味到殼都舔埋😋甜品方面就一定要試下芒果糯米飯，芒果鮮甜多汁，結合椰汁嘅清香，淋落煙韌彈牙嘅白糯米上，配合軟綿綿又冰凍細滑嘅雪糕球，口感豐富多重享受😍總括而言，餐廳普遍菜式都好精美，包括沙嗲串燒同菠蘿炒飯等都做得好好味。野飲都調製得好出色，cocktail 為例推介一杯威水威士忌，用紅豆冰中和威士忌嘅烈酒味道，好易入口～工作辛苦想放鬆下不妨試下呢間泰菜，真係泰好味！