影片
更多
2022-09-11
176 瀏覽
三日月呢個名充滿住濃厚嘅詩意，原意係指農曆第三日晚上嘅月亮，即娥眉月。日本文化好喜愛用呢個term，不論歌曲、地方名、刀劍名都有三日月嘅蹤跡。今日到訪嘅日式鐵板燒鐵板燒餐廳走高檔路線，好適合同朋友生日或紀念日嚟到訪。餐廳會提供設計好咗嘅餐單，唔洗左諗右諗。三日月A5宮崎和牛鵝肝帝王虎蝦一人前餐前菜三小點一向食日式set都會提供嘅前菜小食，有冷豆腐，燒茄子同雞肉刺身。三道小菜由淡味食到濃味，當中最為小見同特別就係雞肉刺身，有啲煙薰味，又不失雞肉嘅口感同味道。刺身三款刺身，最緊要係貴精不貴多。赤蝦、油甘魚同吞拿魚三種類。當中油甘魚最為新鮮肥美，赤蝦鮮甜creamy，吞拿魚鮮味爽口。海葡萄沙律鹹鹹地爽口嘅海葡萄再配上由柚子醋沙律，酸同鹹撞埋一齊好開胃。茶碗蒸平時食omakase多數會食到百合加嗚門卷嘅茶碗蒸，今次呢個特別少少，用咗木耳同魚子再加上黑松露油，平衡返爽脆口感之餘，魚子同黑松露油仲令到蒸蛋鮮味大增，香味更強。阿拉斯加銀鱈魚鐵板燒嘅煎魚一定係必食，因為會煎到魚皮脆卜卜好香口，好似食緊薯片咁。魚肉煎到岩岩好焦脆，內裡仲係juicy鮮味十足。配埋高湯薯蓉忌廉汁，整體味道都好平衡。帝皇虎蝦
日本文化好喜愛用呢個term，不論歌曲、地方名、刀劍名都有三日月嘅蹤跡。
今日到訪嘅日式鐵板燒鐵板燒餐廳走高檔路線，好適合同朋友生日或紀念日嚟到訪。餐廳會提供設計好咗嘅餐單，唔洗左諗右諗。
三日月A5宮崎和牛鵝肝帝王虎蝦一人前餐
前菜三小點
一向食日式set都會提供嘅前菜小食，有冷豆腐，燒茄子同雞肉刺身。三道小菜由淡味食到濃味，當中最為小見同特別就係雞肉刺身，有啲煙薰味，又不失雞肉嘅口感同味道。
刺身
三款刺身，最緊要係貴精不貴多。赤蝦、油甘魚同吞拿魚三種類。當中油甘魚最為新鮮肥美，赤蝦鮮甜creamy，吞拿魚鮮味爽口。
海葡萄沙律
鹹鹹地爽口嘅海葡萄再配上由柚子醋沙律，酸同鹹撞埋一齊好開胃。
茶碗蒸
平時食omakase多數會食到百合加嗚門卷嘅茶碗蒸，今次呢個特別少少，用咗木耳同魚子再加上黑松露油，平衡返爽脆口感之餘，魚子同黑松露油仲令到蒸蛋鮮味大增，香味更強。
阿拉斯加銀鱈魚
鐵板燒嘅煎魚一定係必食，因為會煎到魚皮脆卜卜好香口，好似食緊薯片咁。魚肉煎到岩岩好焦脆，內裡仲係juicy鮮味十足。配埋高湯薯蓉忌廉汁，整體味道都好平衡。
帝皇虎蝦
蝦身分拆得好仔細，好似解剖咗不同部位咁。最有誠意係師傅會將蝦頭入面嘅蝦膏燒熱再塗返上蝦身上邊，燒香嘅蝦味再加蝦膏香甜冇得頂！
鐵板燒日本野菜拼香煎鵝肝
罪惡感滿滿，肥美嘅鵝肝超厚砌！煎到香噴噴再加上燒汁同黑醋中和返油膩嘅口感。
A4鹿兒島和牛薄燒卷
和牛薄燒到焦脆而且Juicy，包住蔥同雜菌好香口，佢地仲會提供埋炸蒜，黑椒同埋玫瑰鹽調味。
櫻花蝦炒飯
好有獲氣嘅炒飯，因為落咗梅醬，成個炒飯鹹鹹酸酸咁。煎脆嘅櫻花蝦好似食緊蝦味脆片咁，每啖嘅口感層次感好豐富。餐廳仲會準備鰹魚湯，可以加入炒飯變成茶漬飯。
甜品
最後仲會有芝麻雪糕做作結，份量剛剛好。
張貼
