影片
更多
2025-05-21
163 瀏覽
🍽薰居酒屋KAORU📍尖沙咀加連威老道96號希爾頓大廈1樓1A號舖冇諗到尖沙咀呢間隱世日式嘅居酒屋「薰」，裝修咁有日本feel，座位唔算多，但坐吧枱可以睇住師傅即場烹飪，大家都話要過520，咁就一於嚟呢度撐枱腳。 ~炸軟殼蟹&蟹肉薯仔沙律炸軟殼蟹炸到金黃色似朵花咁，脆到連殼都吞得，蟹肉仲juicy到滴汁。蟹肉薯仔沙律嘅雪糕球造型夠晒得意，薯蓉滑到似食緊cream，撈埋絲絲蟹肉同柚子醋，凍食超refreshing🥰~精選串燒拼盤串燒控必嗌。厚切牛舌芯切到成塊牛肉乾咁厚，咬落爆肉汁仲有炭燒焦香，正到拍枱。蒲燒鰻魚串：皮脆到「咔嚓」聲，啲肉肥嘟嘟又彈牙，甜甜哋嘅燒汁仲可以撈多碗飯。鹽燒虎蝦：大隻過我手掌。蝦肉爽到彈牙，蝦頭啲膏多到漏，食完要啜手指。京蔥五花腩肥瘦啱啱好，啲油香夾住燒到軟淋嘅京蔥，邪惡得嚟好滿足❤️~鮑魚海膽杯打卡呃like首選，隻鮑魚煮到淋得嚟仲keep到彈牙，上面堆滿鮮甜海膽同爆汁魚籽，一啖食落去，鮮味衝上腦門。個杯仲靚到唔捨得搞亂，忍唔住相機食先半個鐘🤣~汁燒魷魚筒成隻手臂咁長嘅魷魚。燒到外皮脆卜卜，切開啲肉仲識彈下彈下，甜甜哋嘅燒汁吊出鮮味，配杯冰凍梅酒真係冇得輸。 ~
📍尖沙咀加連威老道96號希爾頓大廈1樓1A號舖
冇諗到尖沙咀呢間隱世日式嘅居酒屋「薰」，裝修咁有日本feel，座位唔算多，但坐吧枱可以睇住師傅即場烹飪，大家都話要過520，咁就一於嚟呢度撐枱腳。
~炸軟殼蟹&蟹肉薯仔沙律
炸軟殼蟹炸到金黃色似朵花咁，脆到連殼都吞得，蟹肉仲juicy到滴汁。蟹肉薯仔沙律嘅雪糕球造型夠晒得意，薯蓉滑到似食緊cream，撈埋絲絲蟹肉同柚子醋，凍食超refreshing🥰
~精選串燒拼盤
串燒控必嗌。厚切牛舌芯切到成塊牛肉乾咁厚，咬落爆肉汁仲有炭燒焦香，正到拍枱。蒲燒鰻魚串：皮脆到「咔嚓」聲，啲肉肥嘟嘟又彈牙，甜甜哋嘅燒汁仲可以撈多碗飯。鹽燒虎蝦：大隻過我手掌。蝦肉爽到彈牙，蝦頭啲膏多到漏，食完要啜手指。京蔥五花腩肥瘦啱啱好，啲油香夾住燒到軟淋嘅京蔥，邪惡得嚟好滿足❤️
~鮑魚海膽杯
打卡呃like首選，隻鮑魚煮到淋得嚟仲keep到彈牙，上面堆滿鮮甜海膽同爆汁魚籽，一啖食落去，鮮味衝上腦門。個杯仲靚到唔捨得搞亂，忍唔住相機食先半個鐘🤣
~汁燒魷魚筒
成隻手臂咁長嘅魷魚。燒到外皮脆卜卜，切開啲肉仲識彈下彈下，甜甜哋嘅燒汁吊出鮮味，配杯冰凍梅酒真係冇得輸。
~日式和牛炒飯
鑊氣勁過大排檔。珍珠米粒粒分明，每啖都食到焦香和牛粒同爆香蒜片，仲有流心蛋黃撈勻，食完成個飯碗刮到乾淨😀
~自家免治雞肉串
居酒屋經典點可以冇？雞肉mix軟骨碎，咬落「索索」聲，仲有流心蛋黃撈埋甜醬油，食到lam lam脷🤗
偷偷話你知，打卡仲送生蠔，海鮮迷一定要mark實~同班friend飲住sake吹水，人均$400左右。
張貼
