影片
更多
2022-10-25
160 瀏覽
日本開關了，但機票又貴而且又無假期嘅我得個恨字🥲 唯有喺香港搵間好d嘅日式居酒居食左當去左啦🥲 上openrice睇呢間尖沙咀The One附近嘅地點方便又多好評就試下佢，果然無介紹錯👍🏼👍🏼餐廳係位於地庫，要行幾級樓梯落，入到去好有日本特色🇯🇵 店舖中間係壽司師傅準備食材嘅位置，而且有好幾個水缸養住d海鮮，見到都流口水😈 牛油蒜香龍蝦🦞($280) - 龍蝦係新鮮由水缸都拎出黎再加牛油蒜茸燒，面頭微微焦香，內裡食到彈牙嘅肉同龍蝦鮮味😋鹿兒島和牛壽喜燒🍲($288) - 呢味真係好似去左日本咁🥹 壽喜燒汁微甜濃郁，索哂入d配菜入面。和牛有4片，估唔到咁大片😂 喺個壽喜燒鍋度淥幾秒變粉紅色，點埋蛋液放入口食，入口即溶🥹松葉蟹肉濃海膽醬稻庭烏冬🍝($188) - 見好多枱都有叫呢個，我地都試下！烏冬用海膽忌廉汁煮，煮完keep住煙韌，汁夠creamy掛哂上烏冬度，撈埋紫菜，三文魚子同蟹肉食一流🥰炸蝦反卷🍣($68) - 呢個係性價比高嘅抵食之選😂 勁大條炸蝦卷有成8件咁多。炸蝦夠香脆，包左入食都唔會淋哂👍🏼黑松露茶碗蒸🫕($48) - 蛋蒸得夠滑，黑松露份糧好多😌足夠撈哂成碗北海道流心芝士
餐廳係位於地庫，要行幾級樓梯落，入到去好有日本特色🇯🇵 店舖中間係壽司師傅準備食材嘅位置，而且有好幾個水缸養住d海鮮，見到都流口水😈
牛油蒜香龍蝦🦞($280) - 龍蝦係新鮮由水缸都拎出黎再加牛油蒜茸燒，面頭微微焦香，內裡食到彈牙嘅肉同龍蝦鮮味😋
鹿兒島和牛壽喜燒🍲($288) - 呢味真係好似去左日本咁🥹 壽喜燒汁微甜濃郁，索哂入d配菜入面。和牛有4片，估唔到咁大片😂 喺個壽喜燒鍋度淥幾秒變粉紅色，點埋蛋液放入口食，入口即溶🥹
松葉蟹肉濃海膽醬稻庭烏冬🍝($188) - 見好多枱都有叫呢個，我地都試下！烏冬用海膽忌廉汁煮，煮完keep住煙韌，汁夠creamy掛哂上烏冬度，撈埋紫菜，三文魚子同蟹肉食一流🥰
炸蝦反卷🍣($68) - 呢個係性價比高嘅抵食之選😂 勁大條炸蝦卷有成8件咁多。炸蝦夠香脆，包左入食都唔會淋哂👍🏼
黑松露茶碗蒸🫕($48) - 蛋蒸得夠滑，黑松露份糧好多😌足夠撈哂成碗
北海道流心芝士薯餅🫔 ($35)
炸日本白蝦🍤($68)
最後一提，餐廳每日都做緊唔同優惠，我地咁啱星期一去仲全單75折添😏 店員全程都照顧周到，服務態度一流，係食得好舒服嘅一餐❤️
張貼
