影片
更多
2022-07-20
128 瀏覽
有咩任性得過一日食兩餐鐵板燒？lunch果餐食得唔夠盡興, 所以決定收工果陣自己再去食過🤣自從上次自己食Omakase, 其實而家都幾enjoy自己食飯, 真正可以慢慢品嚐食物, 今晚去左tst到拎野, 就順便睇下附近有無鐵板燒, 上網見E間三日月不錯於是就入去睇下有無位, 天助我也, 得番一千零一個位仲唔係我嘅🤣 機會嚟啦飛雲, 等車車試下係味真係咁好食! 車車叫左個中等價錢嘅三日月極上一人前鐵板餐🌟前菜前菜有三小碟, 有豆腐, 茄子同煙雞肉, 豆腐軟滑豆味濃, 煙雞肉味道不錯, 係一個不錯嘅前菜🌟刺身三點刺身切得幾厚身, 味道幾新鮮 🌟海葡萄沙律車車不嬲中意食海葡萄, 一串串咬落去卜卜聲粒粒爽脆, 配搭沙律同柚子醋清新開胃 🌟季節時令生蠔是日嘅時令生蠔嚟自岩手県, 有成手掌咁大隻, 口感爽甜鮮味, 海水味重, 好味! 🌟鐵板燒北海道帆立貝北海道帶子外層煎得好香, 咬落去好厚肉, 入面口感鮮嫩, 帶少少溏心效果, 調味適中, 下面放左燒野菜, 帶子嘅鮮甜味滲左入野菜令味道提昇 🌟茶碗蒸茶碗蒸用左黑松露, 木耳同魚子整成, 食落雞蛋嫩滑, 啖啖黑松露味, 木耳同魚子令口感更豐富🌟深海野
🌟前菜
前菜有三小碟, 有豆腐, 茄子同煙雞肉, 豆腐軟滑豆味濃, 煙雞肉味道不錯, 係一個不錯嘅前菜
🌟刺身三點
刺身切得幾厚身, 味道幾新鮮
🌟海葡萄沙律
車車不嬲中意食海葡萄, 一串串咬落去卜卜聲粒粒爽脆, 配搭沙律同柚子醋清新開胃
🌟季節時令生蠔
是日嘅時令生蠔嚟自岩手県, 有成手掌咁大隻, 口感爽甜鮮味, 海水味重, 好味!
🌟鐵板燒北海道帆立貝
北海道帶子外層煎得好香, 咬落去好厚肉, 入面口感鮮嫩, 帶少少溏心效果, 調味適中, 下面放左燒野菜, 帶子嘅鮮甜味滲左入野菜令味道提昇
🌟茶碗蒸
茶碗蒸用左黑松露, 木耳同魚子整成, 食落雞蛋嫩滑, 啖啖黑松露味, 木耳同魚子令口感更豐富
🌟深海野生白鱈魚
白鱈魚用rosemary油煎香再配搭自家製白汁, 外層煎香左食落帶脆, 入口即溶, juicy嫩滑, 魚油香而不膩, 調味適中幾好味
🌟和牛封門柳
封門柳肉味香濃, 食落油脂甘香, 肉汁豐富, 單係配搭炸蒜片食已經好好味, 另附上三款醬汁分別係酸汁/日本師傅調製嘅味噌醬/芝麻醬, 特調嘅味噌醬較為特別, 有令一番風味, 車車個人比較喜愛酸汁, 可能因為夏天所以食酸汁較開胃
🌟鐵板炒飯
炒飯用左櫻花蝦蝦乾／木魚干／小魚干一齊炒, 加左梅子醬酸酸地, 就咁食好香口, 另附上鰹魚湯, 加入湯汁後令鮮味更突出, 梅味更出, 強烈推介E個泡飯
🌟味噌汁
🌟甜品
甜品係車車中意嘅豆腐雪糕, 非常滿足
張貼
