慈素小聚

營業中

休息中

今晚同食素嘅朋友約食飯，佢帶我去咗尖沙咀呢間人氣素菜小店。鋪面唔大但平日都爆滿，果然有料到！ 🦆 京都片皮鴨（素）一上枱震驚全場！無論賣相定擺盤都同真片皮鴨九成似，仲跟埋薄餅同青瓜絲。其實係用豆乾做成，口感煙韌有層次，連食素多年嘅朋友都話以假亂真！ 🍄 椒鹽白靈芝菇炸到金黃酥脆，咬落去菇肉依然juicy爆汁！椒鹽調味香口惹味，送啤酒一流，份量多到兩個人食極都仲有～ 🍜 冬陰功金邊粉（素）朋友話出面好少見素版冬陰功，湯底酸辣平衡，香茅味好出，仲有超彈牙素肉丸同爽滑金邊粉，泰國風味十足！ 呢間素菜館創意滿分，將素食做到色香味俱全，連非素食者都會愛上！絕對係尖沙咀素食寶藏店～