更多
2024-06-30
72 瀏覽
之前同朋友已經嚟過呢間食烤魚唔錯,今次想試吓雞煲,冷氣好夠,食完雞煲又唔會一身味👍🏻叫咗個蟲草花膠雞煲半隻$248,店員服務好好,雞煲落枱後會解釋話滾咗就關火,之後就可以焗佢幾分鐘!呢個雞煲好足料,有四隻大的花膠,仲有蟲草,洋蔥等….一打開蓋已經聞到都好香嘅雞煲味,簡直係色香味俱全!花膠好腍好入味,雞肉比較嫩滑又多汁,其他配料都好入味😍另外叫咗蒜香牛油燒扇貝$38:扇貝加埋蒜蓉牛油真係好正,好香好夠味清炒萵筍:食咗咁濃味嘅嘢,要加啲菜清淡吓,呢個比較爽兩杯特飲:荔枝乳酸爆珠梳打,咬落帶酸味爆珠,甜酸中和,開胃醒神西柚乳酸爆珠梳打:就是西柚味加乳酸益力多咁😂爆珠食落去好爽
張貼