MAMTOM

今日同男朋友喺尖沙咀食飯，見到呢間好似好正，所以入咗去試吓!-🍗Malaysian satay mix ($158)一共有半打串燒，分別有牛、雞同埋羊，配上偏甜嘅馬來西亞沙嗲醬，食落好惹味好香口🤤🥗Thai beef salad ($158)食落好清新，蕃茄洋蔥同埋香煎牛肉食落好夾口感亦都好豐富，作為開胃菜一流🥰🐂Beef rendang ($168)呢道菜係傳統嘅印尼椰奶燴牛，牛肉炆得超級腍，口感好軟熟，而且味道好有層次，好有驚喜🫶🏻🥙Bendi belacan ($68)馬拉盞醬炒秋葵真係好香好開胃，鹹香十足，爭碗白飯，配埋食就更好🤩🍨Durian Sticky Rice and Coconut Sundae ($118)一凍一熱食落口感好特別，榴槤同椰子新地嘅味道好夾，配上暖嘅糯米飯，食落好滿足🥳餐廳可以望到尖沙咀海旁，而且有室內同室外座位，環境好放鬆都好靚，餐廳職員都好友善會幫手推介菜式，食物方面有東南亞唔同國家嘅特色菜，味道都幾有驚喜，無論係同屋企人嚟定係同三五知己，又或者同另一半嚟撐枱腳都一流🤩味道 9/10服務 9/10環境 9/10回頭率9/10總評 9/10😋🤍-📍