影片
更多
2025-04-13
134 瀏覽
週末過嚟尖沙咀行街之後，順道喺附近食晚餐。喺朋友嘅推介下，嚟咗一間幾出名嘅川菜餐廳試吓烤魚。餐牌選擇非常多，有烤魚、沸騰魚、酸菜魚、水煮魚，仲有多款川菜小炒等。 烤魚方面，佢哋有三種魚可以揀，仲有四種唔同嘅口味。我哋揀咗價錢最貴嘅清江魚（$348），味道方面則選咗招牌香辣，提提大家呢度可以要求少油少鹽。清江魚嘅魚肉質地結實，而且份量幾大條。烤魚入面仲包含咗多款素菜材料，例如雞髀菇、芋絲、洋蔥、黑木耳等等。辣度屬於微辣，整體惹味，但唔會覺得太濃烈。食完之後，仲可以再追加材料打邊爐。 另外，我哋仲叫咗蒜蓉炒通菜。火候控制得啱啱好，通菜嫩綠脆身，蒜味濃郁，而且價錢只係$38，幾划算。之後，我哋試咗兩款串燒，分別係孜然味雞中翼同孜然味雞腎串。相較之下，個人更加鍾意雞中翼，飽滿大隻嫩滑多汁。 酸菜魚比起烤魚辣度要高一啲。魚肉滑溜，配菜料非常豐富，包括土豆片、薯粉、金針菇、豆芽菜等等。其中，薯粉煙韌彈牙，好索味，辣得過癮。 最後，仲追加咗一份川式蓮藕豬肉紅油水餃。水餃外皮係類似東北餃子嗰種，口感比較人煙韌，內餡嘅料非常足，加入咗蓮藕，增添咗爽脆嘅口感，整體幾有驚喜。烏蠅館 (九龍中心大廈)
餐牌選擇非常多，有烤魚、沸騰魚、酸菜魚、水煮魚，仲有多款川菜小炒等。
烤魚方面，佢哋有三種魚可以揀，仲有四種唔同嘅口味。我哋揀咗價錢最貴嘅清江魚（$348），味道方面則選咗招牌香辣，提提大家呢度可以要求少油少鹽。清江魚嘅魚肉質地結實，而且份量幾大條。烤魚入面仲包含咗多款素菜材料，例如雞髀菇、芋絲、洋蔥、黑木耳等等。辣度屬於微辣，整體惹味，但唔會覺得太濃烈。食完之後，仲可以再追加材料打邊爐。
另外，我哋仲叫咗蒜蓉炒通菜。火候控制得啱啱好，通菜嫩綠脆身，蒜味濃郁，而且價錢只係$38，幾划算。
之後，我哋試咗兩款串燒，分別係孜然味雞中翼同孜然味雞腎串。相較之下，個人更加鍾意雞中翼，飽滿大隻嫩滑多汁。
酸菜魚比起烤魚辣度要高一啲。魚肉滑溜，配菜料非常豐富，包括土豆片、薯粉、金針菇、豆芽菜等等。其中，薯粉煙韌彈牙，好索味，辣得過癮。
最後，仲追加咗一份川式蓮藕豬肉紅油水餃。水餃外皮係類似東北餃子嗰種，口感比較人煙韌，內餡嘅料非常足，加入咗蓮藕，增添咗爽脆嘅口感，整體幾有驚喜。
烏蠅館 (九龍中心大廈) (尖沙咀)
尖沙咀亞士厘道29-39號九龍中心大廈地下G29號舖
張貼
