三日月

營業中

休息中

都唔知幾多年無同過老豆出街撐枱腳，今日難得同佢一齊都放假，一於做一日孝子帶佢出黎食好西今日去左尖沙咀「三日月」食鐵板燒，知道佢好呢味，佢知道勁開心雖然只係中午，但難得出到黎，兩個男人緊係要啤啤佢先而家中午飲品仲做緊8折，本身價錢都唔係貴，真係好抵！今次叫左鐵板lunch set，前菜有雜果沙律同三小品，有明太子、麻醬豆腐同煙燻雞，全部都係冷盤，開下個胃先食完前菜師傅就拎左我地今日要食既材料出黎，估唔到都幾大盤，特別係隻龍蝦勁大隻龍蝦煮好左仲奶細心咁擺盤，真係勁靚，係咁影相打卡醬汁係龍蝦膏，混合左牛油一齊煎，好香口香煎牛柳，5成熟入口好嫩滑，牛肉配上岩鹽令肉味更出眾，side dish係雜菜同炸蒜黎到尾聲緊係唔少得炒飯，呢到落左白飯魚同櫻花蝦一齊炒，再加入自家製醬汁，出到黎橙紅色好吸引食落好乾身，醬汁有少少酸味食到流晒口水旁邊係鰹魚汁，可以倒落炒飯到變成湯飯，有另一番風味最後甜品一口麻薯，甜甜地做完結，100分！