影片
更多
2025-03-05
74 瀏覽
最近發現原來尖沙咀近重慶大廈嘅商場有間食車仔麵嘅小店，食物種類選擇好多，除咗車仔麵之外，仲有飯餐選擇。餐廳地方闊落，佈置充滿港式風味。餐牌選擇好多元化，有多款招牌車仔麵套餐，亦有自選兩餸或以上嘅車仔麵，甚至揀菜底都可以。湯底亦有唔同程度嘅咖喱辣，又或者唔辣。豪華九寶麵（$59） - 由於樣樣食材都想試吓，所以專登點咗呢個九寶麵，入面材料豐富，包括有牛腩、豬紅、豬皮、牛丸、魷魚丸、紅腸蘿蔔、雞翼同時菜。首先要讚下啲餸，質素相當好，尤其係牛腩、豬皮同蘿蔔都燜得好淋好入味。另外特級瀨尿牛筋丸及魷魚丸都爽口好味。自選車仔麵 （$52） - 自選餸包括有豬皮、豬紅、蘿蔔、咖喱魚蛋、咖喱魷魚。幾款食材都好入味，質素不錯。呢碗特別點咗淮山麵，口味軟滑，好食得來，感覺又健康啲。瑞士汁雞翼 （$28）- 一客有四隻，瑞士汁非常入味，雞翼上菜熱辣辣，鍾意食雞翼嘅朋友值得一試。另外點咗碗淨餸，入面有汕尾馬鮫豬肉丸、秘製菜肉餃、芥末貢丸及咖喱魷魚，配以紫菜及黃金雞湯。汕尾馬鮫豬肉丸同芥末貢丸，特式有風味，自家製菜肉餃味道亦不錯。我哋加$10@點咗兩杯特飲，包括黑芝麻豆漿及石斛竹蔗茅根水。兩款口味都唔會太甜，尤
最近發現原來尖沙咀近重慶大廈嘅商場有間食車仔麵嘅小店，食物種類選擇好多，除咗車仔麵之外，仲有飯餐選擇。餐廳地方闊落，佈置充滿港式風味。
餐牌選擇好多元化，有多款招牌車仔麵套餐，亦有自選兩餸或以上嘅車仔麵，甚至揀菜底都可以。湯底亦有唔同程度嘅咖喱辣，又或者唔辣。
豪華九寶麵（$59） - 由於樣樣食材都想試吓，所以專登點咗呢個九寶麵，入面材料豐富，包括有牛腩、豬紅、豬皮、牛丸、魷魚丸、紅腸蘿蔔、雞翼同時菜。首先要讚下啲餸，質素相當好，尤其係牛腩、豬皮同蘿蔔都燜得好淋好入味。另外特級瀨尿牛筋丸及魷魚丸都爽口好味。
自選車仔麵 （$52） - 自選餸包括有豬皮、豬紅、蘿蔔、咖喱魚蛋、咖喱魷魚。幾款食材都好入味，質素不錯。呢碗特別點咗淮山麵，口味軟滑，好食得來，感覺又健康啲。
瑞士汁雞翼 （$28）- 一客有四隻，瑞士汁非常入味，雞翼上菜熱辣辣，鍾意食雞翼嘅朋友值得一試。
另外點咗碗淨餸，入面有汕尾馬鮫豬肉丸、秘製菜肉餃、芥末貢丸及咖喱魷魚，配以紫菜及黃金雞湯。汕尾馬鮫豬肉丸同芥末貢丸，特式有風味，自家製菜肉餃味道亦不錯。
我哋加$10@點咗兩杯特飲，包括黑芝麻豆漿及石斛竹蔗茅根水。兩款口味都唔會太甜，尤其竹蔗茅根水係自家製，感覺健康清新
張貼
