影片
更多
2023-06-01
143 瀏覽
最近終於食到一直好想好想試嘅海三碗麵，必須出番個食評記錄下🥹之前去過幾次條隊都超過6個人，等於等一輪都食唔到（小店只有6個座位+老闆一腳踢），每次都唔想排咁耐所以一直未試到😂終於！搵日平日收工直衝，大約6點去到前面排左3個，雖然眼見入面3枱都未開始食，都決定把心一橫照排😂最後排左25分鐘就入到，好開心🫶🏻然而坐低左之後都係要等嘅！因為如之前所言店主一人工作包辦執枱、落單、煮麵、燒牛肉，係要啲時間～大約半小時後期待已久的兩碗麵終於上枱，前後等食花費時間55分鐘，對比其他單係門口排隊都要個幾兩個鐘嘅分享已經覺得算好快🤣而且店內冷氣好充足，大熱天時食湯麵都唔會汗流浹背。-「三碗麵」有3款湯底可供選擇，海蝦濃湯同金華火腿煲雞濃湯都係常規款，第3款就會不定期更新，最近呢次去係牛肋骨番茄濃湯🍅由於三碗麵都係配伊麵底加燒牛肉，其實只需要揀好心儀湯底就完成！-🦐海蝦濃湯 $90雖說是「濃湯」但濃度比想像中低，感覺上係比較清嘅質感，唔係話無味只係唔同預期中會有好濃厚嘅質感，特別係我先食雞湯再食蝦湯就會感受到明顯有分別。🐔金華火腿煲雞濃湯 $90相對蝦湯呢個口感上就濃厚好多，味道都比較出，雖然賣相平實只加
之前去過幾次條隊都超過6個人，等於等一輪都食唔到（小店只有6個座位+老闆一腳踢），每次都唔想排咁耐所以一直未試到😂終於！搵日平日收工直衝，大約6點去到前面排左3個，雖然眼見入面3枱都未開始食，都決定把心一橫照排😂最後排左25分鐘就入到，好開心🫶🏻然而坐低左之後都係要等嘅！因為如之前所言店主一人工作包辦執枱、落單、煮麵、燒牛肉，係要啲時間～
大約半小時後期待已久的兩碗麵終於上枱，前後等食花費時間55分鐘，對比其他單係門口排隊都要個幾兩個鐘嘅分享已經覺得算好快🤣而且店內冷氣好充足，大熱天時食湯麵都唔會汗流浹背。
-
「三碗麵」有3款湯底可供選擇，海蝦濃湯同金華火腿煲雞濃湯都係常規款，第3款就會不定期更新，最近呢次去係牛肋骨番茄濃湯🍅由於三碗麵都係配伊麵底加燒牛肉，其實只需要揀好心儀湯底就完成！
-
🦐海蝦濃湯 $90
雖說是「濃湯」但濃度比想像中低，感覺上係比較清嘅質感，唔係話無味只係唔同預期中會有好濃厚嘅質感，特別係我先食雞湯再食蝦湯就會感受到明顯有分別。
🐔金華火腿煲雞濃湯 $90
相對蝦湯呢個口感上就濃厚好多，味道都比較出，雖然賣相平實只加上蔥花好似陽春麵咁🤣但兩款湯底比較下個人較愛雞湯呢😆當然口味係好個人嘅因為老公話鍾意蝦湯多啲🤭
最後一定要講埋覺得比湯底更驚艷嘅燒牛肉🥩即場用火槍燒至半生熟加上黑胡椒調味簡直一絕，雖然食落都係有啲筋但感覺上係靚牛，同伊麵好夾。
整體我覺得喺出面排半個鐘內就食到都係可以接受，如果出面要排一個鐘入到去又要等，前後食一餐要用兩個幾鐘就no la。當然小店出品都係有誠意味道好，只係無法承受過多的人潮，今次終於食到還左個心願我都食得好開心的🫶🏻
張貼
