海 三碗麵

營業中

休息中

尖沙咀人氣排隊小店 靠三碗麵走天涯🍜😋無錯 呢間麵店只賣三款麵！😳分別係海蝦濃湯、胡椒豬骨濃湯、金華火腿煲雞濃湯小店只有8個位 所以等候時間會長少少當晚平日夜晚我地大概8點半去到 排左半個鐘左右就入得了🙌🏻🍜 海蝦濃湯Roast beef伊麵 ($110)畢竟係第一次黎食 所以我地都揀左最受歡迎嘅海蝦濃湯😆首先橙紅色嘅湯底飲落口感順滑 唔會好稠身蝦味係勁濃郁 好鮮甜加埋面頭嘅櫻花蝦 蝦味又更香濃！😍伊麵質地煙韌彈牙 好掛湯 成件事好match❤️其實呢度嘅三款麵只有湯底唔同同樣都會配撘炙燒牛肉牛肉係由原條黑椒牛扒一片片切出黎老闆再用火槍炙燒到5成熟🔥食落黑椒味香得黎恰到好處 仲帶有點煙燻味 好正！🥹🫶🏻老闆仲喺牛肉片上面放左櫻花蝦同蔥我覺得用牛肉卷住配料黎食會好似食緊牛肉薄燒咁🤣小店係由夫婦二人經營 睇得出佢地好有熱誠 專注做好拿手菜而且佢地都好有禮貌好親切唔怪得咁多人慕名而黎排隊食期待下次再encore☺️

吃得出的用心小店，食過番尋味，小店安排是為保持食物質素，雖然每次去都要排隊，但每次食到都感到好滿足。有幾次實在太想食，又趕時間，叫了2/3次外賣，但堂食，趁熱食真的好多了，所以之後有時間都會排隊堂食。暫時是我食過最好味的蝦面。謝謝老闆們，讓我享受到人間美食，謝謝你們的用心。

每次行過，都係會有好多人排，而入面個就得8個位。今次早左收工立即試下去排，前面都有8個人，不過都係等左一個鐘左右就入得。一入到去，就有一陣陣既牛香同湯底既香味，未落單已經流晒口水。睇左3個湯底，我想試下個金華火腿湯底。等待既期間，見到老細係度燒啲牛肉，睇得出佢對食物有一份執著，仲要燒左2 rounds 先拎出黎。個牛肉第一啖咬落去，啲牛油bit 晒出黎，好好味，佢仲要腌得好香。而個麵都煮得岩岩好，加埋個湯底，好夾！！！我希望佢將來可以加多啲位，等我地唔洗等咁耐！

bookmark咗呢間好耐 次次經過都見佢排長龍今日見平日又啱啱5點幾到尖沙咀就去試吓openrice寫佢5:30pm開門5:30pm去到只係廚房著燈 店員仲準備緊啲食材等等吓另一個店員返嚟 叫我哋等多陣期間冇人出嚟交代過究竟幾點先開門最後6:10pm先影到呢張食物相嗌咗蝦麵同胡椒豬肚麵 每款都係$110個湯底冇想像中咁驚為天人 啲牛係幾好食$110其實性價比唔高 仲要係咁嘅服務態度佢哋只有收錢嘅時候最熱情係咁講「多謝哂」總結試一次就夠了😌

等左1個鐘，小店只帶田8個位置，十分乾淨企理。麵果方面，麵岩岩好，唔會太腍。蝦湯濃到我係覺得唔夠飲。牛肉味濃亦帶豐富油脂。呢碗麵真心無野好講，自己去試，等兩個鐘都值得。最後俾錢兩位老闆仲同我講唔好意思要我等，我只能回答：值得。其實俾劣評果幾位應該係唔識食或者係心理有問題。

💬第三次嚟呢間三碗麵，終於試埋期間限定嘅第三碗麵，不過已經轉咗口味 。長期排隊等入座都係大眾嘅感想 ，但今次趁諗關門前食最後一轉，唔駛點等都係策略 。所以都係碰碰運氣唔好勞氣，開開心心食返碗老闆用心製作嘅招牌麵吧🍜———————————————————————————.🥢忌廉廣島蠔濃湯麵🍜🦪💬本身都係諗住翻兜金華火腿煲雞湯底，老闆娘問要唔要試吓，又即管試吓。好濃烈嘅奶同忌廉嘅味道，廣島蠔🦪碎上，如果多兩隻更滿足 。其實好喜歡伊麵底，加埋香蔥櫻花蝦火炙黑椒牛肉，的確係好啱自己口味🍜

在尖沙咀出名食韓國菜的「韓國街」，有間格格不入小店「海．三碗麵」隱藏於一堆韓國餐廳和雜貨店當中，每次經過都會見到排隊人龍。食物貴精不貴多，店如其名只賣三款麵。三款麵均以伊麵做底，唯一不同就是湯底，分別是海蝦濃湯、金華火腿煲雞濃湯和新口味忌廉廣島蠔濃湯。三款湯底當中最多人推介招牌▫️海蝦濃湯伊麵$105，除了表面舖上櫻花蝦，賣相極為普通。頭湯清甜但鮮蝦味欠俸，伊麵口感亦一般。新口味▫️忌廉廣島蠔濃湯$125，賣相一樣唔吸引。第一啖湯已經大感失望，不稠不濃！店家將一粒廣島蠔再細分，真心寧願俾一整粒。每碗麵都配有燒牛肉，表面舖上櫻花蝦和蔥花；調味可以，肉質嫩滑，配菜比主菜更出色。店內一條走廊有四張二人枱，坐位比較擠擁。開門前15分鐘排隊，第二輪用膳等左一個鐘。整體而言，每碗麵價格定位偏高，份量都不多，仲要排隊入座，坦白講唔值。

《值得等待的一碗麵》喺香港生活咗咁耐，排隊嘅餐廳周街都有，但要算得上係值得等待嘅餐廳，「海三碗麵」絕對能佔一席位。由排隊開始，你已經會被佢慢慢吸引，餐廳嘅門一開一閂，湯頭鮮甜香氣就會一次次嘅衝擊你嘅鼻腔，一路排隊，你嘅期待值就會一路提升。入到餐廳，落完單，再望入廚房，見到嘅會係老闆精心準備每一碗麵，注入用心熬製嘅湯底，加上明火炙燒嘅牛肉，真係從來未試過將「想食」嘅期待感拉到咁高。上到枱，海蝦濃湯，蝦味鮮甜香濃；金華火腿煲雞濃湯，咸香味鮮，飲得到又Feel得到兩個湯底嘅足料同時間心力去熬製，配埋個彈牙掛湯嘅伊麵，如果第一次去，真心建議要試！個火炙燒牛肉都唔可以睇小，每塊入口都係軟淋入味，簡單調味、簡單烹調，但係用心製作，正正就係香港小店最為可貴、最為耀眼嘅地方。雖然都要排一排，但係只要好味，香港人又點會怕排呢～

朋友比佢既ɪɢ ʀᴇᴇʟ吸引到 提議食呢間星期五 大約𝟙𝟠:𝟚𝟘到達 ๑ᵒᯅᵒ๑目測前面有𝟙𝟘人 𝟙𝟡:𝟛𝟘入座𥚃面得𝟜張𝟚人枱 我地𝟛個女仔 有個坐走廊好彩佢夠瘦 唔算好阻住人行黎行去似係𝟚公婆𝖕𝖆𝖗𝖙住上 兩個都好有禮貌話辛苦曬我地排錦耐隊講野都有唔該前 唔該後o̴̶̷̤ ̫ o̴̶̷̤海蝦濃湯𝕣𝕠𝕒𝕤𝕥 𝕓𝕖𝕖𝕗伊麵 $𝟙𝟘𝟝其實成間餐廳只有𝟜個選擇入到去已經超肚餓 以為即叫即有ᯅ̈點知同我預期既不一樣 慢工出細貨 要等下 不過就可以影到廚師點烹調食物用火槍燒下啲海蝦同肉超香 ๑•͈ᴗ•͈๑個湯底係我人生中未食過好濃好有蝦味上面有好多細細既海蝦 被火槍燒過焦焦地 巧吃૮꒰˶ฅ́˘ฅ̀˶꒱ა牛肉分開上 唔怕啲味道混合左牛肉好嫩 佢用火槍燒既成熟度剛好當下好想食多碗 但又怕肥係好食 但排好耐有啲攰（๑•.•๑）

Bookmark 咗呢間餐廳好耐，但次次去都係星期日，摸咗門釘兩次先發現原來佢星期日休息😂（會唔會太蠢）終於等到星期六得閒又喺附近可以去食🥰嗰日落住超大雨☔️所以去到嗰陣只有一枱人排緊隊，本身以為好好彩唔使等好耐，但最後都等咗大半個鐘先入到去🙈.餐廳係由兩公婆經營，入面只有八個位，而且全部都係即叫即煮，所以製作需時⏳不過食好嘢係需要等待，而且喺而家嗰個都北上消費，更加要支持香港特色小店💗餐廳只賣3款麵，望落覺得海蝦濃湯最吸引，所以就嗌咗🤩海蝦濃湯Roast Beef  伊麵 $105未食已經覺得好吸引，海蝦湯底好濃郁，飲得出係用好多蝦嚟熬製而成，每一啖都係精華，上面仲有小蝦米🦐伊麵煮得啱啱好，唔會太淋，一啖濃湯，一啖伊麵，好好食🥹每碗麵都會配燒牛肉，佢哋係用一大塊牛扒，淨係輕輕咁roast 咗個外皮，所以入面仲係生生地🥩每逢有客人嗌，佢哋就會係個一大塊牛扒切幾塊薄片出嚟，加入少量黑椒，再用火槍燒一燒個面頭，每一塊牛肉調味好出色，係好食到我哋要encore 多一碟嘅質素🥰.總括嚟講，因為鋪頭細，而且每一碗麵都係老闆親手煮👨🏻‍🍳所以唔會好似連鎖餐廳咁出餐咁快，但都冇咗連鎖餐廳嘅機械化，有嘅

安排差＆混亂，食到背脊骨落。第一次打食評，因為覺得間鋪太過分啦！店內只有8個位，店主要等齊8人入座先開始煮，星期五晚6:15已有約10人排隊，有一個女人離隊了但店主俾佢即入，都算，那個女人一個叫兩份餐一直唔食喺度等人，最後佢個女過左20分鐘先到，食食下仲要店主幫佢加熱佢既牛肉，仲要嗌埋個外賣先走，我已坐低並已早過佢點餐，店主都係做左佢個外賣俾佢先（其實佢煮一碗麵只需要5分鐘），跟住個對母女走左，終於等齊4枱入座店主先開始煮，我坐左喺位度20分鐘終於見到我碗麵，但我都未食完，店主係無問我既情況下想收走我隻碗。味道一般，唔值得排隊黎，奉勸大家唔好浪費時間！香港大把好野食。

店仔細細所以排隊就一定嘅，但值得！真係緊好食！個蝦湯一啲腥味都冇勁鮮甜，金華火腿湯好濃，飲得出勁重料，麵煮得啱啱好，個即燒牛肉又冧又香，老闆勁有heart 煮（燒牛肉型仔到忍唔住偷影佢😂😂）一定會再嚟💕

上次自己咁啊想去食 經過但佢冇開門再有次去 見到晏咗太多人排 所以冇食到今次去到排前面已經有兩個人好彩一開門就有得入去叫咗 金華火腿湯伊麵湯底真係似自己煲出黎嘅 又真係好有金華火腿味😂😂😂加埋塊肉好食嘅但相對上 另一碗好食啲另一碗係 海蝦櫻花蝦伊麵賣相都ok嘅 一聞就好香 食落飲落個湯好飲 都好濃厚😋😋配埋個麵係真係好食 個肉又香口嘅因應該燒過但可惜真係兩人小經營 做唔到幾多枱係細同小 但冇計 但咁樣先有排隊爭食市場好有佢自己style風味嘅小店不過真係隊都唔會排等睇到當日都有啲係回頭客 食緊都聽到客有讚佢個湯整得好好 都支持佢希望繼續做 有香港風味特色嘅店舖

寫住1730營業，1730到步已經有幾個人排隊等緊，因為頭一輪係入面食緊，唔知真實開門時間幾點第二輪6點鬆左右開始入座，但要等上一輪嘅人食晒走晒，先會開始第二輪，一次過出個輪既麵，總共8個座位可以選擇既只有三個湯，濃蝦湯、金華火腿、胡椒面底同主食劃一係伊麵同燒牛肉濃蝦湯飲第一啖有開心到，食耐左會開始覺得無左濃蝦味，飲左水清一清口再飲湯，都無左第一啖甘開心，可能凍左無甘濃郁？入面冷氣好凍伊麵係好食既，平時好少地方有得揀湯伊麵，食到最味都無淋到，仲係有咬口燒牛肉上面有好多蔥同櫻花蝦，呢3樣野全部用火槍火燒過，係香口啲既，牛肉仲好香嫩，但有啲油總括：如果早到可以試一次，但如果要排兩輪等成個中，我唔會排，1830左右門口有14 5個人排隊

之前睇YouTube介紹呢間餐廳，係由老闆一個人經營，由開鋪前準備食材，再親自下廚，招呼客人，收錢，洗碗，所有工作一手包辦。有日閒日星期四經開韓國街，就一於去試吓6:30左右去到，已經排咗6，7個人，心諗應該都好快啩，但最終都排咗個幾鐘😅我就點咗海蝦濃湯+灸燒牛肉-首先飲一啖湯，係超～～好味😋飲得出並唔係飲完好口渴嘅味精湯 或者食物元素表，係真材實料嘅蝦湯👍🏻再食啖伊麵係超夾！灸燒牛肉又係勁好味，燒得啱啱好，平時食嘢我係會走蔥，但d牛肉再包住蔥食，係絕配！為咗表達我勁欣賞呢碗麵，我係飲曬d湯一滴都無剩😆希望老闆執碗時知道我真心鍾意❤️雖然排隊排到我腰骨都痛，但食完我係覺得值得，好回味😋😋😋😋😋