The Pearl

呢間主題餐廳位於尖沙咀瑞生酒店，一入到去已經感受到餐廳非常有格調，暗黑藝術風格，場內有不少樹脂流體藝術品，好有氣氛格調。餐廳主廚擁有多年經驗創作出一系列新派歐陸菜。✦ 香煎北海道帶子 $108北海道帶子煎得金黃色，配搭蟹肉味噌同金山寺味噌醬特別惹味，味道鮮甜、外脆內嫩。底層的毛豆泥蓉，口感好特別，創意十足。✦ 煙三文魚芝士卷 $98煙三文魚包住軟心芝士及海帶，口感層次豐富，咸香十足。配搭沙律菜，健康之選。✦ 燴澳洲牛面頰 $328必食！份量頗多嘅牛面頰，幾個人分享都可以～炆得非常淋，牛味香濃好入味。配菜有炸免治牛肉做的可樂餅，好香脆。✦ 烤澳洲西冷羊肉 $158賣相十分吸引！唔講以為係牛，沒有羶味，火侯控制剛剛好，羊肉肉質粉紅同時保留肉汁。伴碟有黑蒜、茄子、番茄仔，色彩繽紛好吸睛。✦First Love $88新鮮菠蘿配青瓜汁同梳打水調製嘅Mocktail,口感清新，容易入口。✦First Kiss $88以冷泡玫瑰花茶配新鮮蘋果汁，感覺清新，酸酸甜甜嘅味道。