宴 尖沙咀

呢間喺尖沙咀嘅日式餐廳，可以食到媲美日本當地美食嘅味道。我成日帶屋企人朋友嚟呢間餐廳食佢哋嘅【自家製雞肉棒】，雞肉棒口感柔軟，肉質鮮嫩，加上自家製嘅醬汁同蛋黃汁，真係幾美味。仲有【酒盜起司】，濃郁嘅鮮味同鹹味，配埋起司一齊食簡直係完美。跟住再嚟一杯【梅美人梅酒】，清新嘅梅子味令人飲落去好爽快，口感亦都好溫和，濃郁豐富，果味香氣自然嘅開胃酒。當然唔可以錯過嘅仲有【燒鱈魚片】，食落非常之酥脆，口感好似薯片咁脆卜卜，同埋沙律醬更加開胃。仲有就係【螢光魷魚漬】外層帶爽脆感，味道帶啲鹹香，鮮美且營養豐富，口感嫩滑彈牙，非常之好食嘅送酒小菜。再配埋呢支【沖繩奧利恩支裝啤酒】，優雅酸甜嘅香氣，引出小麥香甜嘅氣息，入口時柑橘氣味融入喺酒液入面，口感非常之清爽~