影片
更多
2024-03-13
98 瀏覽
朋友睇中咗呢間Cafe嘅甜品，今日喺尖沙咀食完飯特登嚟品嚐佢嘅甜品。 餐廳嘅裝修簡約，以木系格調為主，座位好整潔闊落。 朱古力布朗尼窩夫（$98）朱古力味Brownie、朱古力味窩夫，再配上朱古力味雪糕，朱古力控必試。佢嘅甜品份量好大份，總共有四塊窩夫，同三舊Brownie，雖然全部都係朱古力味，但成個甜品食落唔會太甜。每一塊窩夫都好脆身，唔係其他餐廳好厚實好韌嗰種。Brownie入面有榛子，增加咗口感，仲配有士多啤梨點綴。美中不足係窩夫份量較多而雪糕只有一球唔夠分，所以無沾到雪糕既窩夫就會比較乾，建議可以加錢加多球雪糕，食用體驗會更佳。焗鑊仔綠茶班戟心太軟（$98）第一次見心太軟用鑊仔嘅形式上碟，所以整個甜品溫度會較暖，雪糕上面嘅蝴蝶好吸睛，增加咗成個甜品嘅美感。佢以班戟取代咗心太軟原本嘅外皮，仲加入咗蜂蜜杏仁片，同埋伯爵茶餅乾，成個甜品口感層次好豐富，綠茶味好香，特別一提，個伯爵餅乾好好食。芝士奶蓋汽水（$48/1）佢仲有四隻口味選擇，分別係波子汽水、白桃、蘋果以及蜜瓜，我哋揀咗前兩者。兩杯飲品嘅顏色都好靚，非常打卡able，一杯係胭粉色，一杯係冰藍色，配上上面嘅芝士奶蓋，就好似
餐廳嘅裝修簡約，以木系格調為主，座位好整潔闊落。
朱古力布朗尼窩夫（$98）
朱古力味Brownie、朱古力味窩夫，再配上朱古力味雪糕，朱古力控必試。佢嘅甜品份量好大份，總共有四塊窩夫，同三舊Brownie，雖然全部都係朱古力味，但成個甜品食落唔會太甜。每一塊窩夫都好脆身，唔係其他餐廳好厚實好韌嗰種。
Brownie入面有榛子，增加咗口感，仲配有士多啤梨點綴。美中不足係窩夫份量較多而雪糕只有一球唔夠分，所以無沾到雪糕既窩夫就會比較乾，建議可以加錢加多球雪糕，食用體驗會更佳。
焗鑊仔綠茶班戟心太軟（$98）
第一次見心太軟用鑊仔嘅形式上碟，所以整個甜品溫度會較暖，雪糕上面嘅蝴蝶好吸睛，增加咗成個甜品嘅美感。
佢以班戟取代咗心太軟原本嘅外皮，仲加入咗蜂蜜杏仁片，同埋伯爵茶餅乾，成個甜品口感層次好豐富，綠茶味好香，特別一提，個伯爵餅乾好好食。
芝士奶蓋汽水（$48/1）
佢仲有四隻口味選擇，分別係波子汽水、白桃、蘋果以及蜜瓜，我哋揀咗前兩者。
兩杯飲品嘅顏色都好靚，非常打卡able，一杯係胭粉色，一杯係冰藍色，配上上面嘅芝士奶蓋，就好似一個小富士山咁，芝士奶蓋口感味道都亦都幾好。6
張貼
