Ohayo

營業中

休息中

行完海港城可以去飲杯嘢，坐低休息，幾好坐，佢又唔會催你走，啲嘢飲唔差嘅，係偏貴，但係去得尖沙咀都預咗….以食物質素，甜品價錢係貴，但係去得尖沙咀都預咗，個窩夫就真係一般，雪糕得一球加錢要多球雪糕好似要$20？我覺得就唔值啦～整體而言，呢間嘢都係俾你用嚟坐下休息，嘢食一般～間嘢好日系，出面睇好似好靚，但坐入去就係普通cafe 格局，仲以為係日系，我有啲覺得落差太大！另外，個海景俾架郵輪block左， 你只可見到船底既身，好悶🤭唯一優點，呢幾年你都攰㗎喇！ 坐下啦～

才剛剛開始營業，餐單裡面80%都售罄，可選的寥寥可數，令人億分失望，絕望透頂。服務態度亦不友善。查問是回答的態度真令人不開心。那就很簡單地說那就取消所有訂單啦！

看起來像疏乎厘的特色甜品店舖稱作這個為熱香餅鑊仔麻糬熱香餅可自由選配雪糕口味熱香餅口感像雪芳蛋糕跟想像中很有出入但又熱鍋載著味道還好的蜂蜜熱香餅這份沒有加熱送上就完全不行了真的像在吃一個雪芳蛋糕

明明要攞飛入座, 點解侍應會比咗兩個就咁行入去嘅外省人坐呢? 呢點真係要再TRAIN吓. 我地就係門口乾等多十分鐘先有枱. 奇怪, 最奇係同侍應講番佢地一啲反應都無, 真係做到麻木晒.嘢食方面, 個豚內SET係勁豐富又飽肚, 有飯又有烏冬, 味道仲唔錯添喎. 呢個可以ENCORE. 反而和牛漢堡, 塊和牛漢堡煎到過晒龍, 濃面, 仲有啲打渣, 真係唔掂. 用大堆薯條頂上.   

約朋友到海港城食午餐，見到餐牌上第二份午餐半價，就揀咗呢間餐廳。是日餐湯🌽粟米忌廉湯無咩粟米味，但質地唔錯🦐石鍋蕃茄海鮮泡飯料都有很多，但湯底有啲腥味，要自行加入大量黑椒先食得到。🐷 豬肋骨全日早餐（扒茄，大菇，茄汁豆，薯餅，炒蛋，煙肉，香腸，牛角包，豬肋骨）等咗25分鐘先出嘅餐，豬肋骨味道不錯👍🏻 但蕃茄煎得太燶，有點苦😣 茄汁豆是凍的，香腸煙肉都係烚的，唔好味☹️ 整體真係好失望🥲。可能呢間餐廳只可以食甜品

相信每一個人食到好飽，總會有另外一個胃裝到甜品，當我和朋友剛剛食完午餐，行行吓就見到這間餐廳，在門外看看Menu，即時被甜品吸引住，我哋嘅第二個胃要啟動。呢間餐廳甜品好吸引，我哋叫咗兩個甜品和兩杯飲品，綠茶紅豆麻糬窩夫，鑊仔焦糖金寶雪山熱香餅，另外飲品係凍美式咖啡和摩卡咖啡。綠茶紅豆麻糬窩夫，窩夫唔夠脆，但紅豆滿滿的，雪糕是雲呢拿味。而另外一個甜品熱香餅，是用一個鐵鍋裝上，所以甜品夠熱，不過覺得甜咗啲，可以係太多焦糖。飲品都是正常。

之前Ocio突然全部消失了海港城仲有呢間Ohayomenu同裝潢都同之前一樣甜品窩夫最吸引午餐係得十款唔算多但都揀地仲可以加錢加小食lunch set加$38就可以加甜品迷你雜果窩夫配雲呢拿雪糕白菌黑松露忌廉意粉$98黑松露好香呢碟意粉認真出色香煎鰽魚魚柳定食$118好失望鰽魚完全無鮮味石鍋蕃茄海鮮泡飯$133辣辣辣石鍋上海鮮都好足料又有大蝦又有帶子蕃茄湯都好甜好味重點是環境裝修得靚仲有海景希望今次唔好再突然消失啦

首次來港的朋友,興致勃勃地前往觀賞幻彩詠香江,期待能享受到這場視覺盛宴。然而,整個表演卻讓我們感到有些索然無味。相比較令人失望的幻彩詠香江,我們在Ohayo by Ocio餐廳的甜品體驗卻讓我們留下了美好的回憶。這家餐廳精心製作的甜點,無一不讓人垂涎欲滴。1. **蜜瓜雪山熱香餅**：Ohayo by Ocio的招牌甜品之一，以半個哈密瓜為基底。哈密瓜切割成碎塊，鋪在松軟的舒芙蕾上，再配以牛奶雪糕球。哈密瓜的清甜和舒芙蕾的綿密口感相得益彰，牛奶雪糕的冰涼平衡了整體的口感。這款甜品不僅美味，還有視覺上的驚艷效果。2. **蜂蜜雪山熱香餅**：同樣以雪山熱香餅為基礎，但加入了蜂蜜的甜美風味。蜂蜜的黃金色澤在白色的舒芙蕾上特別顯眼。每一口都能品嚐到蜂蜜的芬芳，讓人回味無窮。3. **焦糖香蕉朱古力窩夫**：窩夫的酥脆外皮和鬆軟內部，搭配朱古力和焦糖香蕉，層次豐富。窩夫的香氣和焦糖的甜度，與朱古力的濃郁完美結合。這道甜品既有家常的溫暖感，又有創意的組合。雖然價格略高,但每一口都值得。清新的水果拼盤,更是為整個甜品體驗增添了清新的感受。

🙆🏻‍♀️經常經過呢間餐廳終於入去試吓，環境都算大，座位都好舒服。 🌟香辣慢煮雞腿全日早餐，超級豐富，全部都好好食，好新鮮，但係雞髀面頭嗰陣粉偏鹹落得太多，食完埋單之後都有同店員反映😆佢哋都話會跟進一下。 沙律都好新鮮，是日餐湯係蕃茄湯都好好飲都比較濃，啱晒我口味🤭 再配杯黑齋啡☕️ 成個過程整得好舒服，有需要嘅時候店員都好快咁樣幫到手。 如果係海港城商戶嘅你逢星期一至五，午市同晚餐第二份都有半價㗎🥰非常抵食！ 決定過幾日再去食先🤭🤭

之前行過玩具反斗城，見到這間日式餐廳，以為只有甜品可以選擇，原來都有主食餐單，抱著平常心入去試吓。大家一起選擇了吉列豬扒烏冬，吉列豬扒外表很脆，豬扒稍微較薄，但係好食嘅，朋友發現豬扒內夾雜着一層好像是南瓜？很特別。烏冬軟軔的，份量亦很足！叫了一杯凍朱古力及一杯朱古力咖啡，味道濃郁，同一般咖啡店的質量相同，在餐內只需+18或$20 ，很超值👍🏻另外加了一個小丸子，軟糯的，加在入面的八爪魚就稍微細粒，但很有日本風味。看見很多食客叫甜品，各式各樣的窩夫或刨冰，很耀眼，但今次實在很飽，期待下一次嚟食甜品😋總括而言，各類食物也很美味，環境舒適，有海景，室內亦有植物，很有家庭的感覺。服務員友善，我叫錯了飲品，服務員亦殷切的馬上幫我更改，謝謝🙏🏻

Ohayo by ocio 海港城。好啱大人。小朋友去食日系美式餐廳🥯Lunch 套餐自選 Ohayo 芝士牛肉漢堡包 配薯條🍔 $133牛肉🥩肉質多汁🍔肉質熟到剛剛好，容易入口，芝士溶咗喺啲牛肉度超正👍最喜歡是配上好多香脆薯條，小朋友最喜歡🍿😊加 德國腸拼盤 $78供有4條，腸是焗，併上芥辣醬好啱小朋友吃， 不帶辣，也沒有黑椒味，正常口味。也不會焗得好乾身，少許油在面剛剛口👍餐跟沙律和咖啡☕️Ohayo 特色炸物拼盤 $138烤豬肉串兩條, 日式漬物， 素菜春捲兩條， 炸物，香脆薯條🍤🍢小朋友勁讚烤豬肉串「好味」，大人就喜歡春捲👍環境可以望到西九海景， 自然光滲透落入店內， 感覺好清新， 我們是坐卡位的， 枱面也比較大，坐得好舒服。 職員見有小朋友，奉上兒童餐具， 十分窩心。最緊要係同啲小朋友去完玩具反斗城玩完，同買完嘢， 有個地方畀佢哋乖乖哋食嘢， 十分方便🤩👏📍尖沙咀廣東道3-27號海港城海運大廈地下OTG19號舖

啲嘢唔好食，又等得太耐。個兒童餐足足玩足40分鈡先嚟，大人餐就快，大人食完，小朋友都未有得食。完全唔親子。d嘢唔新鮮，海鮮味道好怪。薯條唔夠熱。咁嘅價錢，完全唔ok.

夜晚830左右去食，經過見到裝修唔錯，食評都唔錯，就入去trytry。首先有餐湯，係番茄湯，完全係茄膏加水，仲要超級鹹。朋友叫咗個all day breakfast，原隻煎雞髀嘅肉有啲老，仲好乾，其他配菜都係罐頭味or預製加熱only。我就叫咗燒烤醬煮牛肋條，真係超難食，擺明唔係自己煮，攞出黎我摸一摸個碟，係凍嘅，放入口，真係凍嘅，想像一下屋企整牛腩煲，但係放咗大半日，啲油都已經停晒喺面頭，就係凍到咁，佢暖暖地都冇咁嬲，仲要啲肉擺明唔係自己煮，又係預製加熱，啲肉嘅質感好似臘肉咁，總之唔係新鮮嘅肉，切開見到入邊有少少粉紅色，以為佢煮得嫩，但係擺入口先知原來單純因為放喺個包裝袋入邊醃得太耐，但係賣我成$150，仲要超級鹹，所以成餐最好食得佢配嘅薯條。原本仲想食完正餐食埋個甜品，因為又係見網上comment最多人都係話個甜品好食，但食到一半我哋已經話想走，完全唔想再俾錢佢賺。海港城嘅價錢，仲差過茶餐廳嘅質素。

牛肋条好难吃，仲系微温，唔系现煮。不过薯条仲几好，，估计厨房水平有限，总体来说不会有惊喜的感觉，也可能因为我期望太高吧，期望越大失望越大，这是必然的。下次不会来了，

菜式味道不錯，服務很好，上菜速度也很快。點了個set dinner, 魚肉很嫩，另外又點了朱古力窩夫，賣相很好看，餅底很綿密 很足料。可惜日落了，海景位沒有景色看，下次都會再過來