烏蠅館 (九龍中心大廈)

營業中

休息中

未入門口已經聞到麻香明火爐上嘅烤魚鍋，湯底彈起辣椒籽、炸蒜香蔥、芝麻，真係未食先流口水！三款魚揀咗招牌清江魚，貪佢肉厚骨少啖啖都係雪白魚肉！仲可以揀少油少鹽。 師傅手勢好，主脊位起肉起得乾淨，夾起嚟仲掛住啲輕麻辣蒜香湯汁。入口先係蒜茸香，跟住麻感慢慢爬上舌尖，但又唔會搶咗魚肉嘅鮮甜。最正係魚皮烤到微焦帶煙韌，魚肉嫩滑，仲要完全冇碎骨啱晒我呢啲懶人！每日隨機三款素菜，雞脾菇、雲耳、金菇金菇雲耳爽脆吸味，跟魚肉形成雙重口感。食到一半加湯變身火鍋，黑豚肉，薄切肉片帶脂香。麻香配鮮淮山片食真係正！ 自家粒粒粟米餃咬開爆汁。手打鮮蝦滑彈牙，仲食到好多蝦肉粒！飲杯黑糖桃膠鮮奶降火。熱玫瑰蜂蜜特飲，淡淡花香好滋潤。