影片
更多
2022-09-20
240 瀏覽
今晚約左友人來食鐵板燒，上次來食覺得非常美味，服務好又細心，而且環境相當高雅，坐BAR枱睇住大廚烹煮美食，真係一大賞心樂事。餐廳除了數款一人前套餐，仲有二人套餐，亦很吸食，今晚我地點左 每人一份 ，套餐很豐富很令人期待。前菜三小點由左邊開始食起，冷豆腐入口細滑冰涼，少少麻醬增添香味。漬茄子味道清新，入口柔軟多汁，加木魚絲提鮮。煙燻雞肉刺身，爽口帶煙燻香，有點似ham，越食越有鹹香。季節時令生蠔用上 非常肥美飽滿，滑溜爽口，味道鮮甜，仲好濃郁的蠔味，令人回味，配醬汁同辣蘿蔔蓉更顯鮮味。沙律海葡萄晶瑩剔透，加入沙律增加咬口，一粒粒入口脆卜卜爆開，沙律菜爽脆，用醋汁微酸很開胃。極上刺身五點帆立貝鮮甜嫩滑 ; 牡丹蝦超大隻，軟綿鮮甜 ; 赤身較少脂肪帶濃郁魚味 ; 油甘魚肥美油潤，有魚脂香 ; 拖羅脂肪紋好靚 ，入口化開濃濃魚脂香，五款刺身都非常美味。鮮活南非鮑魚欣賞大廚鐵枝燒鮑魚，擺盤美觀，鮑魚質感細嫩，口感嫩彈易咬，海藻醬提鮮。廚師特別直接煮熟肝臟，而不是整成醬汁，可以食到肝臟的濃郁而不會過鹹。深海野生白鱈魚其實係海鱸魚，雪白嫩滑細膩，比鱈魚更嫩，有豐富油脂入口好香，質感會較扎實，食到一絲
今晚約左友人來食鐵板燒，上次來食覺得非常美味，服務好又細心，而且環境相當高雅，坐BAR枱睇住大廚烹煮美食，真係一大賞心樂事。餐廳除了數款一人前套餐，仲有二人套餐，亦很吸食，今晚我地點左 每人一份 [三日月A5宮崎和牛鮑魚一人前鐵板餐 $998]，套餐很豐富很令人期待。
前菜三小點由左邊開始食起，冷豆腐入口細滑冰涼，少少麻醬增添香味。漬茄子味道清新，入口柔軟多汁，加木魚絲提鮮。
煙燻雞肉刺身，爽口帶煙燻香，有點似ham，越食越有鹹香。
季節時令生蠔用上[日本宮城縣生蠔] 非常肥美飽滿，滑溜爽口，味道鮮甜，仲好濃郁的蠔味，令人回味，配醬汁同辣蘿蔔蓉更顯鮮味。
沙律海葡萄晶瑩剔透，加入沙律增加咬口，一粒粒入口脆卜卜爆開，沙律菜爽脆，用醋汁微酸很開胃。
極上刺身五點帆立貝鮮甜嫩滑 ; 牡丹蝦超大隻，軟綿鮮甜 ; 赤身較少脂肪帶濃郁魚味 ; 油甘魚肥美油潤，有魚脂香 ; 拖羅脂肪紋好靚 ，入口化開濃濃魚脂香，五款刺身都非常美味。
鮮活南非鮑魚欣賞大廚鐵枝燒鮑魚，擺盤美觀，鮑魚質感細嫩，口感嫩彈易咬，海藻醬提鮮。
廚師特別直接煮熟肝臟，而不是整成醬汁，可以食到肝臟的濃郁而不會過鹹。
深海野生白鱈魚其實係海鱸魚，雪白嫩滑細膩，比鱈魚更嫩，有豐富油脂入口好香，質感會較扎實，食到一絲絲魚肉，且白鱈魚沒有魚腥味。醬汁用白蜆煮成，更加鮮甜又唔會過鹹。
茶碗蒸打開蓋有松露香味，用鰹魚湯加入雞蛋蒸成，特別鮮甜，質感水嫩細滑，加左三文魚籽更鮮，配料有木耳絲增加咬口。
美國安格斯牛柳要求五成熟的牛柳，粉紅色的牛肉厚切好吸引，肉質嫩腍無筋，咬落很多肉汁。先夾蒜片沾少少岩鹽食，牛肉味濃郁又鮮嫩。餐廳提供三款醬汁，自家特製的味噌醬最夾牛肉，有鮮甜的味道 ; 蘿蔔蓉醋汁清爽消膩 ; 芝麻醬微酸帶甜有麻香。
拌碟的是鐵板燒日本野菜，蘆筍超大仍保持脆嫩 ; 南瓜清甜細綿 ; 蓮藕爽脆帶香味 ; 最好味係香菇，味道濃又多汁。
鐵板炒飯加入梅醬的炒飯變得橙紅色，經鐵板炒飯後，粒粒分明口感爽糯，而且更香口，加入左櫻花蝦乾及白飯魚乾，更添咸鮮味和香味。
餘下的飯，可加入上湯做成茶漬飯，梅味的酸味及櫻花蝦鮮味會更明顯，而且梅醬酸味仲可解膩。 味噌湯很暖熱順喉，有味噌香又唔會過鹹，海帶及豆皮都好好味。
甜品紅豆雪糕精緻帶香味，食完熱辣辣的鐵皮燒，正好食冰涼雪糕，淡淡的紅豆味好香甜，加左脆脆增加口感。
張貼
