影片
更多
2023-09-27
19 瀏覽
-三日月 🔥話說前2星期去左東京都冇機會食鐵板燒番到黎仲要病左 唯有病好後係香港食番次完夢之前一直以黎都好想試下三日月 好彩早3日都book 到！呢度係由日藉總廚Toshiaki Matsunaga主理係多間港澳5星酒店擔任過行政主廚 仲有多年法菜經驗 所以係鐵板燒菜式當中都見到法式烹調方法既影子~✨鮑魚鵝肝和牛餐 ($1180/pp)🥗海葡萄沙律加入左海葡萄同柚子汁 唔怕腥 口感Q彈 清爽開胃🥗前菜三小點有煙燻雞肉刺身 鹹香嫰滑 另外仲伴有麵豉豆腐同牛蒡🐟刺身拼盤有油甘魚 + 赤身 + 甜蝦 每走刺身都新鮮肥美🐣茶碗蒸蛋香細滑 重點係淋有鰹魚湯汁 黑木耳絲同三文魚籽食落鹹鮮味濃 再加有黑松露油 非常香口~🦪鮮活鮑魚用上南非鮑魚 師傅連埋昆布一齊燒 伴有鰹魚汁同海帶所以香氣有層次 食落都非常新鮮鮮甜 加埋一齊食都好夾另外師傅建議最後先食鮑魚肝臟 想講煎得非常香脆濃郁🪿鵝肝鵝肝煎得外表香脆 內裏細滑 食落入口即溶咁配上燒汁 係用上18年黑醋同香草煮成汁 好好味❤️🥬日本野菜有蘆筍 / 蓮藕 / 番薯 / 冬菇 同牛肉一齊食可以中和油膩感 都幾鮮甜 特別中意燒蓮藕！🥩A4鹿兒島和牛薄燒卷大大
三日月 🔥
話說前2星期去左東京都冇機會食鐵板燒
番到黎仲要病左 唯有病好後係香港食番次完夢
之前一直以黎都好想試下三日月 好彩早3日都book 到！
呢度係由日藉總廚Toshiaki Matsunaga主理
係多間港澳5星酒店擔任過行政主廚 仲有多年法菜經驗
所以係鐵板燒菜式當中都見到法式烹調方法既影子~
✨鮑魚鵝肝和牛餐 ($1180/pp)
🥗海葡萄沙律
加入左海葡萄同柚子汁 唔怕腥 口感Q彈 清爽開胃
🥗前菜三小點
有煙燻雞肉刺身 鹹香嫰滑 另外仲伴有麵豉豆腐同牛蒡
🐟刺身拼盤
有油甘魚 + 赤身 + 甜蝦 每走刺身都新鮮肥美
🐣茶碗蒸
蛋香細滑 重點係淋有鰹魚湯汁 黑木耳絲同三文魚籽
食落鹹鮮味濃 再加有黑松露油 非常香口~
🦪鮮活鮑魚
用上南非鮑魚 師傅連埋昆布一齊燒 伴有鰹魚汁同海帶
所以香氣有層次 食落都非常新鮮鮮甜 加埋一齊食都好夾
另外師傅建議最後先食鮑魚肝臟 想講煎得非常香脆濃郁
🪿鵝肝
鵝肝煎得外表香脆 內裏細滑 食落入口即溶咁
配上燒汁 係用上18年黑醋同香草煮成汁 好好味❤️
🥬日本野菜
有蘆筍 / 蓮藕 / 番薯 / 冬菇 同牛肉一齊食
可以中和油膩感 都幾鮮甜 特別中意燒蓮藕！
🥩A4鹿兒島和牛薄燒卷
大大片既A4和牛煎至5成熟 再包住金菇蔥花一齊食
想講呢個組合好令人滿足 係充滿油香入口即溶 正呢🤌
🦐櫻花蝦炒飯
想講聞到隔離枱炒飯時我就已經好期待！
因為未食就已經可以聞到個鹹香味勁吸引🤤
當中加左櫻花蝦 + 白飯魚乾 + 木魚絲 再炒到粒粒分明
而且呢度既炒飯係有兩種食法 2款我都好中意🥳：
#1 - 先食一半剛炒好既既版本 鹹鮮味香濃
#2 - 淨低既一半就可以了加入鰹魚湯同山葵 做成茶漬飯
🍰甜品
當晚揀左士多啤梨蛋糕 香甜軟錦的~
張貼
