小魚兒 (金馬大廈)

營業中

休息中

小魚兒開左咁多年，係尖沙咀想食烤魚應該第一個諗起佢，今晚訂左枱同幾個知己食下飯吹下水，收工去又方便，食飽返屋企又唔遠，地點一流。坐低第一時間叫返個Asahi tower啤啤佢，然後叫左條藤椒烤魚小辣，烤魚煎完皮脆肉嫩，無乜細骨，藤椒既麻同辣椒既辣互相呼應，食到辣一辣之後飲啖生啤真係爽。我哋再追加一碟雪花肥牛，牛肉紋路清晰，配下麻辣湯食，真係一流。咁飲得酒來，當然唔少得下酒菜，炸午餐肉真係香港名物，切到細細粒，咸咸香香，真係停唔到口！椒鹽鮮魷炸粉簿簿，又係香口到不得了，啲啤酒好似倒水咁無哂。