影片
2023-02-24
1664 瀏覽
Wooloomooloo Steakhouse早排朋友生日話想食威靈頓牛柳，我地搵咗好耐，最後揀咗去呢到食飯；尖沙咗呢間可以望海，平日去都唔會好full，幾啱同朋友放工黎食下飯飲下野~同類型搜尋︰#heyzoeat尖沙咀 #heyzoeat_celebrationCrab cake HK$208Crab cake 一直都係比較多人推薦嘅菜式，呢個crab cake 雖然唔係好大，但係食落去啖啖蟹肉，旁邊仲有少少沙律，個人覺得沙律都好好食~Beef Wellington HK$535今次主角係beef wellington， 我地叫咗五成熟；外層用酥皮包住，入面除咗有牛柳之外，原來仲有鵝肝，呢個有少少surprise；牛柳嘅肉汁超多，好夠肉味而且又唔會韌~Prawn & Scallops Linguine HK$248呢個意粉睇落平平無奇，有啲似白烚意粉咁，食落又覺得呢個意粉唔太差，入面用咗檸檬同辣椒片調味，但相對起其他意粉都係有啲失色；佢嘅蝦肉好彈牙，帶子就好大粒好好食~Pan Seared Cod HK$380 平時都幾鍾意食魚，呢個真係有少少失望；魚肉好滑嫰，魚皮都有輕輕煎過，但
早排朋友生日話想食威靈頓牛柳，我地搵咗好耐，最後揀咗去呢到食飯；尖沙咗呢間可以望海，平日去都唔會好full，幾啱同朋友放工黎食下飯飲下野~
同類型搜尋︰#heyzoeat尖沙咀 #heyzoeat_celebration
Crab cake HK$208
Crab cake 一直都係比較多人推薦嘅菜式，呢個crab cake 雖然唔係好大，但係食落去啖啖蟹肉，旁邊仲有少少沙律，個人覺得沙律都好好食~
Beef Wellington HK$535
今次主角係beef wellington， 我地叫咗五成熟；外層用酥皮包住，入面除咗有牛柳之外，原來仲有鵝肝，呢個有少少surprise；牛柳嘅肉汁超多，好夠肉味而且又唔會韌~
Prawn & Scallops Linguine HK$248
呢個意粉睇落平平無奇，有啲似白烚意粉咁，食落又覺得呢個意粉唔太差，入面用咗檸檬同辣椒片調味，但相對起其他意粉都係有啲失色；佢嘅蝦肉好彈牙，帶子就好大粒好好食~
Pan Seared Cod HK$380
平時都幾鍾意食魚，呢個真係有少少失望；魚肉好滑嫰，魚皮都有輕輕煎過，但佢配埋saurce 都係覺得冇咩味，呢個價錢我會建議叫塊牛扒食會開心啲
Sweet Potato Fries HK$105
朋友一路食飯一路叫話要食呢個蕃薯條，呢個蕃薯條真心幾唔錯，炸得好脆而且份量好多，呢個真係一條一條接住係咁食
Mac & Cheese HK$95
呢個Mac & Cheese嘅份量同平時出去飲嘅餐湯份量差唔多，芝士味到好濃，但都係正常嘅Mac & Cheese
Baked Cheesecake HK$90
Cheesecake 反而幾有驚喜，入口芝士味好香濃軟滑，底下仲有一層餅底，食完一啖忍唔住食多啖，最後生日嗰個掛住影相差啲食唔到~
整體感覺
Wooloomooloo一向都係熱門嘅慶生餐應，牛扒黎講都幾唔錯，當日本身仲想叫pizza，但pizza 當日冇供應，其他主菜對比起牛扒黎講略嫌失色；但餐廳氣氛算唔錯，仲可以望到海景，鍾意食牛扒都可以一試
張貼
