影片
更多
2024-01-15
34 瀏覽
開業多年嘅焱丸水產已經聽過好多朋友推介，出名價格比高，地道日式裝潢猶如置身日本。絕對係同朋友小聚，飲番兩杯嘅好地方。位置係尖沙咀棉登徑盡頭，非常易搵。呢到點浜燒/海鮮都有店員幫你燒，絕對唔驚自己燒得唔熟。尼到每枱必點招牌甲羅燒，我哋就試咗蟹味噌甲羅燒 (68$/pc)，creamy帶有焦香嘅蟹膏咸香味較重，好邪惡 要配埋一旁嘅青瓜絲食，比較解膩，無咁heavy～醬油木魚帆立殼燒 (75$/pc)亦好出色，帶有蕃茄，醬汁食落酸酸甜甜，帆立貝肉質彈牙，好醒胃～刺身基本上都非常新鮮，三文魚腩 (90$) 勁厚切，絕對唔hea你，滿口油脂香～ 特別推介呢個本鮪盛合(288$)， 可以一次過試晒唔同部位及食法嘅吞拿魚，包括刺身、壽司同他他。拖羅沾上日本醬油同生蛋黃，入口即溶，特別creamy！吞拿魚他他mix埋香蔥、芝麻及醬油，入口帶甜口，好香，魚肉亦非常軟腍～如果配埋紫菜食就一流喇～蟹子蟹肉薯仔沙律 (78$) —— menu幅相好似好普通，點知serve到尼好巨型呀，其實係一個薯仔沙律塔！滿瀉嘅蟹子，足料蟹肉薯仔沙律，底下有沙律菜同蕃茄，一齊食清爽唔‘漏’，呢個價錢非常抵食，好滿足！野菜天婦
呢到點浜燒/海鮮都有店員幫你燒，絕對唔驚自己燒得唔熟。尼到每枱必點招牌甲羅燒，我哋就試咗蟹味噌甲羅燒 (68$/pc)，creamy帶有焦香嘅蟹膏咸香味較重，好邪惡 要配埋一旁嘅青瓜絲食，比較解膩，無咁heavy～
醬油木魚帆立殼燒 (75$/pc)亦好出色，帶有蕃茄，醬汁食落酸酸甜甜，帆立貝肉質彈牙，好醒胃～
刺身基本上都非常新鮮，三文魚腩 (90$) 勁厚切，絕對唔hea你，滿口油脂香～
特別推介呢個本鮪盛合(288$)， 可以一次過試晒唔同部位及食法嘅吞拿魚，包括刺身、壽司同他他。拖羅沾上日本醬油同生蛋黃，入口即溶，特別creamy！吞拿魚他他mix埋香蔥、芝麻及醬油，入口帶甜口，好香，魚肉亦非常軟腍～如果配埋紫菜食就一流喇～
蟹子蟹肉薯仔沙律 (78$) —— menu幅相好似好普通，點知serve到尼好巨型呀，其實係一個薯仔沙律塔！滿瀉嘅蟹子，足料蟹肉薯仔沙律，底下有沙律菜同蕃茄，一齊食清爽唔‘漏’，呢個價錢非常抵食，好滿足！
野菜天婦羅 (70$) —— 炸得香脆，炸漿唔會太厚重，重有齊晒我最愛嘅茄子、南瓜同蕃薯天婦羅～
最後重食咗個蟹雜炊 (168$)，店員會嚮你面前現煮，雑炊加入蟹腳、蟹子、雞蛋同香蔥，整體口味係偏淡，但蟹肉鮮甜，而且好暖胃，冬天食完暖笠笠！
飲品方面，我哋分別點咗菠蘿梳打 (68$) & 生姜燒酎 (58$)，冰菠蘿梳打好fresh好清爽，重要原條菠蘿，非常解膩，而一向麻麻地生姜嘅我都覺得生姜燒酎唔錯，淡淡姜味，有驚喜！
張貼
