影片
更多
2025-03-28
272 瀏覽
呢日約咗朋友喺尖沙咀食飯，上OpenRice見到呢一間西餐好多人推薦，就即管一試~原來呢度主廚曾經喺五星級酒店任職多年😱當日係平日六點幾入到餐廳，環境都幾唔錯，就算七點幾開始多客人，但都唔會太嘈，坐得都幾舒服。餐包及餅乾啲餐包真係有誠意，全部都係烘過，外脆內軟，而且有一舊上面仲有芝士😍火炙半熟三文魚伴紫蘇莎莎呢個真係有驚喜，本身一開頭以為會好似平時啲餐廳就咁俾啲煙三文魚放喺上面，點知佢舊三文魚係真係新鮮火炙，調味啱啱好，有淡淡的鹽同香油味，口感仲要入口即溶！沙律菜都好新鮮，值得推介！80z 美國頂級西冷呢樣係我全餐飯覺得最好味😍😍😍叫咗七成熟嘅西冷，一上菜已經覺得好香炭燒味，食落口真係好Juicy，所有肉汁都出晒嚟！！另外佢啲伴碟都好有誠意，除咗粟米、蘿蔔同蘆筍等，仲有一個係煙肉碎釀薯仔，好味😋質素對得住個價錢！香辣蕃茄汁花甲天使麵上菜完全係熱辣辣，味道好開胃，花甲好鮮嫩，天使麵嘅質感都啱啱好。士多啤梨朱古力窩夫配士多啤梨雪糕一上菜都少少嚇親，我哋本身冇要求店員幫手喺甜品上面寫字，但佢個裝飾真係好有心，估計都用咗唔少時間去整🥹雪糕係我最鍾意嘅Movenpick士多啤梨味，窩夫唔係剩係得
呢日約咗朋友喺尖沙咀食飯，上OpenRice見到呢一間西餐好多人推薦，就即管一試~
原來呢度主廚曾經喺五星級酒店任職多年😱
當日係平日六點幾入到餐廳，環境都幾唔錯，就算七點幾開始多客人，但都唔會太嘈，坐得都幾舒服。
餐包及餅乾
啲餐包真係有誠意，全部都係烘過，外脆內軟，而且有一舊上面仲有芝士😍
火炙半熟三文魚伴紫蘇莎莎
$148
5 瀏覽
0 讚好
0 留言
呢個真係有驚喜，本身一開頭以為會好似平時啲餐廳就咁俾啲煙三文魚放喺上面，點知佢舊三文魚係真係新鮮火炙，調味啱啱好，有淡淡的鹽同香油味，口感仲要入口即溶！沙律菜都好新鮮，值得推介！
80z 美國頂級西冷
$318
0 瀏覽
0 讚好
0 留言
80z 美國頂級西冷
呢樣係我全餐飯覺得最好味😍😍😍叫咗七成熟嘅西冷，一上菜已經覺得好香炭燒味，食落口真係好Juicy，所有肉汁都出晒嚟！！另外佢啲伴碟都好有誠意，除咗粟米、蘿蔔同蘆筍等，仲有一個係煙肉碎釀薯仔，好味😋質素對得住個價錢！
香辣蕃茄汁花甲天使麵
$198
0 瀏覽
0 讚好
0 留言
香辣蕃茄汁花甲天使麵
上菜完全係熱辣辣，味道好開胃，花甲好鮮嫩，天使麵嘅質感都啱啱好。
士多啤梨朱古力窩夫配士多啤梨雪糕
$88
0 瀏覽
0 讚好
0 留言
士多啤梨朱古力窩夫配士多啤梨雪糕
一上菜都少少嚇親，我哋本身冇要求店員幫手喺甜品上面寫字，但佢個裝飾真係好有心，估計都用咗唔少時間去整🥹雪糕係我最鍾意嘅Movenpick士多啤梨味，窩夫唔係剩係得個甜字，仲有少少鹹甜鹹甜，我估佢個粉團應該都係自己整出嚟😆
凍水果茶
$46
0 瀏覽
0 讚好
0 留言
凍水果茶
估唔到$46有咁大杯水果茶，份量係夠兩個人飲，仲有大量水果喺入面，平時我最怕啲水果茶加咗好多糖漿，呢個味道啱啱好，好清甜，之後發現原來入面仲有一粒話梅，成杯嘢飲嘅甜味應該係因為粒話梅同埋啲水果本身嘅甜味😆
最後埋單每人四百幾蚊，雖然唔係話好平，但我覺得呢個價錢對得住佢嘅質素，下次會再encore🥰
順帶一提，呢度嘅服務員態度都好好，有禮貌之餘見到我哋杯水冇咗啲啲都好即時幫我哋refill，抵讚！
張貼
