影片
更多
2022-06-28
576 瀏覽
今晚放工同朋友去左尖沙咀食鐵板燒揀左呢間位於金馬倫廣場二樓既三日月餐廳主打鐵板燒、清酒同日本料理由日籍鐵板師傅主理餐廳嚴選食材，烹調方法同質素當然有保證我今日就叫左佢地人氣推介既A5和牛鮑魚餐😍三日月A5宮崎和牛鮑魚一人前鐵板餐 ($998)🫕前菜三小點揀好左要邊款套餐之後店員上左前菜三點，有絹豆腐、茄子甘煮同煙燻雞肉刺身絹豆腐蘸上味噌汁，嫩滑既豆腐同鹹鹹地既味噌汁又幾夾👍🏻茄子🍆甘煮醬汁味濃雞肉刺身有淡淡既煙燻味，配埋檸檬片口感清新🥗海葡萄沙律海葡萄係一種食得既海藻，晶瑩剔透而且營養價值高，配埋新鮮既沙律菜一齊食非常開胃💯🦪季節時令生蠔今晚既生蠔產地來自北海道，蠔肉肥美，海水味濃，欣賞佢個aftertaste好重，齒頰留香，上面加左蘿蔔蓉同蔥，更能提升蠔既鮮味🥰🥚茶碗蒸呢個茶碗蒸都好好食，燉蛋好滑溜，證明個高湯湯底做得好出色，上面仲加左三文魚籽，脆卜卜既三文魚籽配埋嫩滑既燉蛋，鮮味十足😌🐟極上刺身食完暖笠笠既茶碗蒸之後就到極上刺身刺身包括: 牡丹蝦、帆立貝、油甘魚同大拖羅，全部刺身都好新鮮，帆立貝厚肉且鮮甜，加上少許檸檬汁提鮮，油甘魚同大拖羅都係厚切，前者魚油甘香，後者油花較重，入口
今晚放工同朋友去左尖沙咀食鐵板燒
揀左呢間位於金馬倫廣場二樓既三日月
餐廳主打鐵板燒、清酒同日本料理
由日籍鐵板師傅主理
餐廳嚴選食材，烹調方法同質素當然有保證
我今日就叫左佢地人氣推介既A5和牛鮑魚餐😍
三日月A5宮崎和牛鮑魚一人前鐵板餐 ($998)
🫕前菜三小點
揀好左要邊款套餐之後店員上左前菜三點，有絹豆腐、茄子甘煮同煙燻雞肉刺身
絹豆腐蘸上味噌汁，嫩滑既豆腐同鹹鹹地既味噌汁又幾夾👍🏻
茄子🍆甘煮醬汁味濃
雞肉刺身有淡淡既煙燻味，配埋檸檬片
口感清新
🥗海葡萄沙律
海葡萄係一種食得既海藻，晶瑩剔透而且營養價值高，配埋新鮮既沙律菜一齊食非常開胃💯
🦪季節時令生蠔
今晚既生蠔產地來自北海道，蠔肉肥美，海水味濃，欣賞佢個aftertaste好重，齒頰留香，上面加左蘿蔔蓉同蔥，更能提升蠔既鮮味🥰
🥚茶碗蒸
呢個茶碗蒸都好好食，燉蛋好滑溜，證明個高湯湯底做得好出色，上面仲加左三文魚籽，脆卜卜既三文魚籽配埋嫩滑既燉蛋，鮮味十足😌
🐟極上刺身
食完暖笠笠既茶碗蒸之後就到極上刺身
刺身包括: 牡丹蝦、帆立貝、油甘魚同大拖羅，全部刺身都好新鮮，帆立貝厚肉且鮮甜，加上少許檸檬汁提鮮，油甘魚同大拖羅都係厚切，前者魚油甘香，後者油花較重，入口即溶，牡丹蝦亦好新鮮，肉質彈牙好鮮甜，正😍😍😍
🐡新鮮南非鮑魚
食完冷盤開始上鐵板燒了，第一道菜係鮮活南非鮑魚，預先切好左一件件一口size，加左少少黑椒調味，鮑魚爽口彈牙，上面加左海藻汁，口感清新
🐠深海野生白鱈魚
白鱈魚表面燒至金黃色，已經挑好哂唔會食到有骨，抵讚🥰🥰白鱈魚肉質鮮嫩，加埋自家調製既醬汁，好好食😋
🐄A5宮崎和牛 (額外加$100)
牛肉方面可以揀和牛卷或者和牛厚切，我就揀左後者，A5和牛厚切燒至五成熟，油脂分佈非常平均，做到入口即溶既口感好正❤️❤️❤️
🍚櫻花蝦炒飯
充滿櫻花蝦既鮮味，炒飯粒粒分明，最後加上鰹魚湯做茶漬飯，估唔到一個炒飯有兩款食法又幾特別👍🏻👍🏻👍🏻
🥣味噌湯
鹹度適中既味噌湯，加入炸豆皮及海藻等配料，幾正😌
🍧甜品
是日甜品係紅豆雪糕，呢個一人前鐵板餐真係好滿足，食到捧住個肚走😎
三日月
地址: 尖沙咀金馬倫道23號金馬倫廣場2樓B號鋪
#happyfoodie_尖沙咀 #happyfoodie_鐵板燒 #teppanyaki #刺身 #香港美食 #相機食先 #打卡
張貼
