The Pearl

如果你去尖沙咀搵地方食西餐，可以試下The Pearl呢間餐廳，佢係酒店四樓，裝修昏暗但係好有格調，一入去就會見到一個長長嘅吧枱，氣氛相當浪漫同埋有啲型格。開頭我哋叫咗吞拿魚牛油果泡沫他他，配自製羅勒油。呢個前菜真係好清新，牛油果嘅泡沫帶有少少酸味，唔會過重，配埋吞拿魚嘅鮮味同羅勒油，令人胃口大開。之後仲有Parma Ham蜜瓜沙律，蜜瓜甜甜地，搭咗Parma Ham嘅鹹香味，真係好夾，面頭仲灑滿咗芝士，口感層次更加豐富。主菜方面，我哋試咗和風醬油大蝦煙肉扁意粉，呢個意粉嘅彈牙程度真係啱啱好，大蝦好爽口，最特別係佢嘅和風醬油調味，帶出咗一種日式嘅風味。另一個主菜係香煎牛封門柳，封門柳好嫩滑，牛味濃郁，真係值得一試。飲品方面，佢哋嘅Cocktail都幾有創意。我試咗叫做”milk, tea or me”，係Long Island Iced Tea變奏版，加入咗芒果茶，有少少酸酸地，飲落好清爽。另外一杯叫”crimson samurai”，帶有茉莉茶同蘋果味，香氣十足。