南瀛水產

朋友推介 「尖沙咀南瀛水產」日本居洒屋，日式裝修環境好好，地方好大好適合搞生日慶祝活動，職員幫我哋燒嘢食嘅畤候，態度好親切，分享好多燒嘢食嘅知識俾我地。紫菜海膽天婦羅呢度菜我真係好鍾意，酥脆嘅紫菜，加埋我最鍾意嘅海膽，鮮甜軟滑。南瀛海產盛合鮑魚、生蠔、蝦、蜆、帶子、蟹腳，鮑魚好生猛上枱嘅時候仲郁緊，所有海鮮都係用清酒味霖燒，食落去好清甜，肉質好軟熟，火候掌握得好好。蟹味噌甲羅燒蟹殼裝滿蟹膏、蟹肉、鵪鶉蛋、蟹籽，有股咸香味，質感好綿滑厚實，非常好味。番薯天婦羅日本紫薯好甜，外皮酥脆，內裏軟熟。軟殼蟹沙律軟殼蟹好鮮甜酥脆，日本沙律醬，爽脆嘅新鮮沙律，感覺好Flash.南瀛水產（尖沙咀）尖沙咀金馬倫道5號太興廣場5樓