古今二 (The ONE)

營業中

休息中

今次同朋友去尖沙咀The ONE試新派日本料理，好多驚喜嘅創意美食🥳心花怒放！前菜沙律 - 柚想蝦你🦐💖 三文魚子加飛魚子，配柚子蘋果中華沙律菜，仲有甜蝦🦐砌成心形🫶，創意滿分又好清新✨ 特色卷物 - 東京爆脆🍣 吞拿魚、蟹柳同炸紫菜，配上芝士醬同特製醬～有微辣，好惹味🔥 - 富士山 蟹柳絲堆成一座山，加上鰻魚、牛油果底座，味道咸咸地，口感層次豐富到爆🎉- 埼玉網燒牛舌🥩 厚切牛舌勁Juicy，同埋嫩滑得無得輸，牛舌控必試💯- 鹿兒島黑豚荔枝卷串燒🍢 鹹甜味平衡一流，每啖都香甜惹味🤤好有驚喜㗎！ - 鹽燒白鰻🐟 多汁到漏，好甘香🤤🤤總結呢間餐廳真係創意同口味兼備，值得嚟同朋友慢慢試每一道美食～