牛站(駅)麻辣火鍋放題

營業中

休息中

呢幾日天氣涼涼地就選擇去食返個火鍋放題暖下胃。每次都會選擇去尖沙咀牛站（駅）麻辣火鍋。這裏無論前菜、小食、炸物、火鍋配料、甜品及台式飲品等好多選擇。湯底我哋選擇了椰子雞，味道香噴噴好鮮甜。牛肉都有好多款，美國肩胛肉、美國安格斯牛板腱和美國黑和牛等。肉質好新鮮，色澤鮮明，牛肉味濃郁。熟食有我最鍾意的燒乳鴿、醬爆糍粑和炸雲吞，脆卜卜超好食。特別係乳鴿的肉質鮮嫩，口感豐富，搭配上烤製的外皮，帶有香脆的口感。火鍋配料中的墨魚、帆立貝、脆鯇魚片、田雞脾、竹笙釀蝦滑，樣樣都好新鮮，田雞髀啖啖肉墨魚又爽口。飲品方面有清酒、熱飲、汽水、以及多款自家製的茶和珍珠奶茶等。最後食埋甜品同雪糕呢一餐超滿足!