Ssal Bori Ssal

營業中

休息中

之前朋友嚟食過，佢話感覺都幾正宗，都幾多韓國人嚟食，諗住試一試。舖頭嘅位都唔係好多，但係都算好坐，週末過嚟好快就爆。一上枱就有三碟前菜，食落都幾舒服，最鍾意係個泡菜，調味啱啱好。‣ 韓式豬手＆五花肉 $318個份量係對得住個價錢，最後我同朋友都食唔晒，我自己幾鍾意個豬手，咬落去嘅時候覺得個肉質好嫩滑。至於個五花肉，我覺得都幾難得食落去嘅時候唔會覺得好油膩。而且佢仲有個菜俾你包住食，加埋佢自己特製嘅醬汁，少少辣再加埋菜嘅清爽，完全唔會覺得好滯。‣ 芝士粟米炸雞（甜辣味） $195佢嘅甜辣味嘅甜辣度我覺得啱啱好，再加埋上面嘅芝士，又可以將嗰浸辣味中和咗，就係有醬汁再加埋芝士啲炸雞都依然係咁脆口。係有骨嘅炸雞，啲肉都炸得相當之嫩滑。我都幾鍾意佢有啲飯係底，變咗飯焦脆卜卜都好好食。‣ Cream Soda & Grape Juice $15 & $15飲嘅時候就覺得好有喺韓國食嘢嘅感覺，每次食韓國菜我都會嗌提子汁，最鍾意就係食到啲果肉。