Ssal Bori Ssal

尖沙咀韓國街你去過未？未去過都唔緊要，不過可能好大機會行過都冇留意！最近我同朋友想食韓國嘢，就去咗 Ssal Bori Ssal，主打米酒 + 地道韓食，係香港首間以米酒做主打嘅韓國餐廳～🇰🇷🍶🕛 12 點到 12:30 已經坐滿！我哋為咗唔使排隊，特登 12 點 Sharp 開門時去到，點知坐低冇耐，成間店已經 Full House 😮 一入去已經聽到背景播住最新最 Hit 嘅 K-Pop，裝修簡約得嚟有啲小清新～🍽 開餐前送上 3 款小食 (可以 refill！) 泡菜：唔會過鹹幾開胃～ 麻油豆芽：麻油味唔太重，清清地幾好～ 韓式魚片：薄身微甜，口感煙韌。🍢 魚糕塘湯 $298 呢個魚糕湯入面除咗有好味嘅魚糕串，仲有大粒又肥美嘅青口、QQ 嘅八爪魚、翠玉瓜、金菇、韭菜等等 🍲🔥 湯底清甜唔油膩，份量多，3-4 個人 Share 都得！🍗 醬油蒜蓉炸雞 $120 望落賣相還可以，不過唔係即叫即炸，所以脆口程度不似預期。醬油同蒜香味偏淡，雞肉比較實，勝在無骨方便食… 但如果鍾意食熱辣辣又爆汁嘅炸雞，呢款可能未必啱你！🍶 Mak So Sa 米酒 Cocktail $110 Mak So Sa 係用米酒 + 燒酒 + 雪碧 Mix 出嚟嘅特飲，甜甜地帶微酒香，最搶眼係一整個金色壺上枱，夠晒韓式風味 😆 Ssal Bori Ssal 地方唔大，但又未至於細到食完想快啲走人。慢慢食飲住米酒，聽住 K-pop，坐坐下接近兩點已經冇咁多人。…查看更多

之前同男朋友係尖沙咀「韓國街」見到依間餐廳勁多人排隊.今次想食韓國嘢, 就即刻諗起佢.餐廳勁有韓國小店feel, 好似去咗韓國咁.食物選擇都幾多.今次我試咗幾個我喺韓國都會叫嘅嘢食.前菜先上枱嘅有三款前菜.- 泡菜酸酸辣辣咁幾開胃.- 涼拌芽菜好香麻油味.- 涼拌魚板淡淡魚鮮味同埋甜甜地咁, 我幾鍾意食.海鮮薄餅 （HK$149)勁大份啊!滿滿魷魚同韭菜.絕對唔係得啲粉.唔好以為個醬紅卜卜好辣, 其實係完全唔辣㗎.佢係魚露嘅味道.點一點, 個海鮮薄餅變得勁鮮味.韓式豬手&五花肉 (HK$318)依個真係必試!可以一次過試晒韓式豬手同五花肉.除咗肉仲會配埋沙律同埋菜.啲肉夾菜食可以解膩.五花肉肥瘦均勻.豬手膠質滿滿, 啲肉勁嫩.有兩個醬汁可以點.我鍾意依個有蜆肉嘅醬, 味道勁鮮!紫菜飯團 (HK$70)紫菜多到誇張.飯撈咗麻油同飯素.食落仲暖暖地, 好好味.攞上手整波波好玩又滿足!整體嚟講, 呢間餐廳嘅韓國料理都幾正宗, 好高質.而且份量都幾多, 兩個人食到勁飽.食完呢餐飯, 我有少少掛住韓國添.…查看更多

🪇上次同富妹去完韓國🇰🇷，仲停留好多係韓國的回憶，今日就一於延續韓國的味道。📌尖沙咀金巴利道成條街都係韓國菜，要食韓國野黎呢條街一定大把選擇。熊妹聽好多豬朋狗友都食過《Ssal Bori Ssal》，可以話係近年頗受年輕一代歡迎，咁突圍而出，今日就帶富妹試下可唔可以攞返韓國的地道感覺？📌店鋪唔算好大，有一卡卡卡位同中間長枱。📌幽暗嘅燈光幾有feel，牆上貼滿招牌菜色，仲有大電視，都係韓國菜館經典的格局。前菜小食一坐低，點完餐，店員就會自動送上三碟經典小食，不少得的韓式泡菜、豆芽菜同豆角。未有野食住都可以醫醫肚開下胃。海鮮薄餅，$149海鮮薄餅係韓式經典小食，內饀有好多韮菜同墨魚粒🦑，加上厚厚的蛋漿煎成薄餅，落油煎煎到邊皮脆脆的，再點上醬汁，好實在的口感。韓式炸雞，$120炸雞一兜都有7、8大嚿，最經典梗係選甜辣的醬汁啦，厚粉嘅炸皮食落都脆口，啖啖雞肉無骨食好爽，炸雞真係韓菜的必吃之選。炒年糕，$85辣炒年糕係熊妹最愛的韓國小食，因為睇得韓劇多，想女主上身👰🏻‍♀️。味道唔想好辣喎，一條條煙韌的韓國年糕沾滿韓式辣醬汁，熱辣辣咁食，滋味的享受😋。韓式炆牛尾，$198重頭菜主場喇，可算係這頓飯的MVP。燉火尾做得幾出色，帶點甜的醬汁炆到牛尾好熟透，牛尾骨旁的肉係好容易骨肉分離，可想而知有幾軟淋，仲可以索埋中間帶醬汁的牛骨髓，件事真係美味至極。仲要份量都唔少，有5-6件，呢個價錢，咁高質素，咁夠味道，算係抵食。📌多款韓食、小食、炒飯、肋骨、豬手、鍋物、粉絲、海鮮湯等等，講得出的韓國菜都有，飲品仲要有好多款Makgeolli選擇，係韓國獨特的米酒，絕對係送炸雞之選。📌味道正宗，價錢合理，切合年輕人口味，難怪星期一的晚上都有好多人在門外排隊。…查看更多

韓國菜是我喜歡吃既美食之一，加上韓風好Hit，所以今次去咗尖沙咀金巴利道既 - Ssal Bori Ssal 韓國餐廳，品嚐一下正宗韓國料理。餐廳設計特色，牆身色彩繽紛，枱櫈以木系傢俱為主，感覺温馨，舒適環境享受正宗韓國美食，恍如置身於韓國。睇睇餐牌先，見到有獨特韓國菜式供選擇，多款不同馬格利酒選擇，仲有韓式豬手、土豆煎餅、辣雞腳等，款式好吸引。海鮮薄餅              $149我喜歡依度韓國煎薄餠，除咗主要海鮮材料之外，仲有好多蔬菜在內，所以食起嚟口感較清爽，唔會覺得油膩，海鮮好鮮甜，薄餅香脆可口，沾上韓式醬汁更美味。醬油蒜蓉炸雞            $120這款係無骨嘅炸雞，雞肉味道香濃，質地嫩滑唔乾身，肉汁豐富，炸得好香口，外脆內軟，外層嘅蒜香加醬油，食落好鬆化。韓式炒粉絲           $105韓國製造嘅粉絲特別煙韌，爽滑彈牙，條狀比港式較為粗身，材料豐富，有香菇、椰菜、洋蔥、紅蘿蔔、香葱等，爽口嘅什菜與粉絲很配合，醬汁濃郁，但味道唔會太鹹，調味適中，太惹味啦！純豆腐海鮮湯            $103這個熱騰騰嘅海鮮湯，配合白飯一齊食，更滋味。湯鍋內有蜆肉、豆腐、蔬菜，翠綠鮮爽，湯底帶少少辛辣，很不錯。飲品選了幾款：Pear Juice、Grape Juice、Fanta Orange 及 Coke Zero。冰冰涼涼，口感清新，都幾解渴，很不錯。…查看更多

FD推薦咗一間韓國料理，話佢提供啲韓國菜式好特別，咁試試啦。餐廳唔大，得十幾張臺，裝修得幾韓式，好似返到韓國咁。晚市好full， 全滿仲要好多人排隊，唔想等就早少少入去啦。Sprite和Pear Juice，Sprite氣泡勁足，冰凍清爽。Pear Juice，清甜潤喉，飲落似自家煲嘅冰糖雪梨，有淡淡梨香，飲完喉嚨好順。韓式泡菜，一坐低就會送上3款小菜，辣白菜醃得啱啱好，脆口得嚟又唔會太生，辣度適中。芽菜清淡爽口，同辣白菜係唔同風味。韓式豬手&五花肉，哩碟份量真係超大，豬手同五花肉鋪滿曬，仲要搭配埋沙律同生菜。豬手切得薄薄哋，皮爽肉嫩，特別係豬皮膠質滿滿。五花肉薄切，全部都係肥瘦相間。五花肉蘸埋韓式大醬，再用生菜包住一齊食，香濃嘅油脂同醬料完美融合。泡菜豬肉鍋，配料超豐富，有豬肉、豆腐、煙韌年糕，同埋大量泡菜。湯底好濃郁嘅泡菜香，酸辣得嚟唔會太刺激，反而帶少少甜味。豆腐同年糕煮到入味，每一啖都充滿韓式風味。最正係用佢來撈飯，米飯香甜，湯汁濃郁，食到停唔落口。…查看更多