影片
更多
2024-04-08
26 瀏覽
今餐互補大家生日飯~Happy Birthday to us要試下新野～日式鐵板燒～視覺同味覺既享受我地揀左$498一位澳洲龍蝦、美國Prime肉眼薄燒9道菜午市套餐首先上枱既係前菜三小點同埋雜錦沙律店員建議由左邊牛蒡漬食起，再到麻醬豆腐＆煙燻雞肉，牛蒡漬好入味，爽口，豆腐口感有別於平時食到既豆腐，除左好滑外口感好似布甸，正。煙燻雞肉食落好似巴拿馬火腿，前菜都咁特別，我已經好期待主菜。雜錦沙律配柚子汁，幫我地開一開胃。跟住店員為我地介紹今日既主菜～肉眼睇見既新鮮龍蝦膏係會用嚟調醬汁，龍蝦頭亦會用嚟滾麵豉湯用盡每一處去變化唔同既美食主廚係我地面前好細心咁擺盤再烹煮龍蝦～連擺盤都好講究架先用紫薯粉裝飾再用食用花點綴龍蝦肉超大隻一開六件每人三件下面醬汁係用龍蝦頭同埋蝦膏杜丹蝦頭製成再下面係香草橄欖油龍蝦肉質厚實鮮甜，蘸埋兩款蝦頭蝦膏製成既醬汁真係不得了，超濃郁既精華，即刻提升到另一個層次。茶碗蒸一上枱好吸睛～粉紅色櫻花😍店員介紹後先知唔簡單，一打開見到有魚子第二層係鰹魚湯汁，蛋漿加入黑松露，底有木魚絲蛋滑唔在講，本身我都好鍾意黑松露，配埋鰹魚湯，非常鮮甜。係我地食緊茶碗蒸果陣，主廚已經整緊野
要試下新野～日式鐵板燒～視覺同味覺既享受
我地揀左$498一位澳洲龍蝦、美國Prime肉眼薄燒9道菜午市套餐
首先上枱既係前菜三小點同埋雜錦沙律
店員建議由左邊牛蒡漬食起，再到麻醬豆腐＆煙燻雞肉，牛蒡漬好入味，爽口，豆腐口感有別於平時食到既豆腐，除左好滑外口感好似布甸，正。煙燻雞肉食落好似巴拿馬火腿，前菜都咁特別，我已經好期待主菜。雜錦沙律配柚子汁，幫我地開一開胃。
跟住店員為我地介紹今日既主菜～肉眼睇見既新鮮
龍蝦膏係會用嚟調醬汁，龍蝦頭亦會用嚟滾麵豉湯
用盡每一處去變化唔同既美食
主廚係我地面前好細心咁擺盤再烹煮龍蝦～
連擺盤都好講究架
先用紫薯粉裝飾再用食用花點綴
龍蝦肉超大隻一開六件每人三件
下面醬汁係用龍蝦頭同埋蝦膏杜丹蝦頭製成
再下面係香草橄欖油
龍蝦肉質厚實鮮甜，蘸埋兩款蝦頭蝦膏製成既醬汁真係不得了，超濃郁既精華，即刻提升到另一個層次。
茶碗蒸一上枱好吸睛～粉紅色櫻花😍
店員介紹後先知唔簡單，一打開見到有魚子
第二層係鰹魚湯汁，蛋漿加入黑松露，底有木魚絲
蛋滑唔在講，本身我都好鍾意黑松露，配埋鰹魚湯，非常鮮甜。
係我地食緊茶碗蒸果陣，主廚已經整緊野菜同埋美國Prime肉眼薄燒，聞到好香既牛味～～
店員亦為我地送上蘸牛既醬汁
右起酸汁，麵豉汁，芝麻醬
南瓜香甜，冬菇juicy，蓮藕爽口，蒜片脆口鬆化正
美國Prime肉眼薄燒卷住蔥同埋雜菌，入口即溶好正，兩件唔係好夠喉🤤個人最喜歡酸汁，更帶出牛肉既香味。
龍蝦麵噌湯嚟啦～龍蝦頭仲有肉架
麵噌湯真係龍蝦既鮮味，比一般麵噌湯甜，好飲。
跟住主廚開始為我地蝦花蝦炒飯
好靚既櫻花粉，除左有櫻花蝦仲有銀魚干
店員介紹食一半原味，另一半加鰹魚湯，wasabi做茶漬飯，一次滿足兩個願望
我地食到飯裡面有陣開胃既酸味，問店員原來有加酸梅醬同梅乾，頓時覺得好有日式家庭飯既感覺。
加左鰹魚湯同Wasabi，中和左酸梅醬既酸味，有少少甜，唔錯。
係等甜品期間見到隔離兩枱同我地食既餐唔同，就問店員係咩餐因為望落有唔同既肉同超大隻既虎蝦🤤
店員就拎餐牌比我地睇，睇完下次都想試下
係$248一位既輕食鐵板午餐~6道菜
有沙律~鐵板燒雜菜
主食6選1，分別有：紐西蘭肉眼扒厚燒 / 美國Prime肉眼薄燒 / 鹿兒島黑豚豬肩 / 日本豚肉薄燒 / 帝王虎蝦 / 季節鐵板燒魚，後面同我地一樣有鐵板炒飯、味噌湯同甜品～下次可以試下😍😍
店員知道我地係互補生日～為我地劃碟唔使加錢～仲有煙火蠟燭～好貼心，仲有兩件抹茶紅豆大福。
呢餐午餐真係大滿足好滿意～主廚非常專業好有心機，店員同樣專業有禮貌，滿足到視覺味覺既一餐
張貼
