金鳳大餐廳 (山林道)

營業中

休息中

前日放工後, 約左朋友去尖沙咀食飯。我哋去左金鳳鋸扒，餐廳裝修懷舊，好有氣氛, 佢主打港式鐵板餐，每個餐都包牛油餐包，餐湯和飲品。餐包夠熱, 入口鬆軟。羅宋湯, 入面有紅蘿蔔, 洋蔥和椰菜等材料, 味道微辣開胃。我哋揀左鐵板頂級牛扒, 肉質厚實, 完全唔會靱, 配上黑椒汁, 牛肉味濃, 加埋蒜蓉, 十分惹味。招牌牛柳餐, 份量好多, 有兩大塊, 叫左5成熟，入口十分軟淋, 肉質嫩滑多汁, 伴碟還有翠玉瓜, 胡蘿蔔和薯條。下次可以再試其他扒餐。