泰濃麵 (樂道)

營業中

休息中

泰濃麵位於尖沙咀樂道，地理非常方便。當日都好多客人光顧，而且有外國人。所以餐牌是中英對照的。壁紙很有泰國風味，好像置身當地一樣。餐廳推薦船湯，清甜滋潤。我每幾條麵就飲一啖湯，好好飲差唔多俾我飲晒。即使飲完都唔會覺得口渴。另外冬陰功湯都值得一試，適合好辣人士。同其他餐廳相比，唔會太鹹同埋太辣。主要係以酸味為主，所以食落會好開胃🤤。需要留意嘅係兩款湯底嘅配料都會有所不同既係：船湯係白蘿蔔同魚蛋；後者係蝦同青口。［卜卜蜆船湯金邊粉］卜卜蜆份量都幾多粒蜆肉冇沙非常爽口。魚丸本身調味鹹鹹地同埋好彈牙。金邊粉軟身配上芽菜，吸晒湯底精華好惹味。［雞髀肉船湯黃麵］雞髀肉非常嫩滑，黃麵相對較為粗身，麵質都幾爽口。個人推薦泰式奶茶🥤，甜甜地非常香滑。