Peek-A-Poke (heath慶方)

營業中

休息中

今日約左朋友夜晚做gym，我地都想食得健康少少，所以去左Peek-A-Poke。門口有一個水上滑板形狀既木紋擺設，入面燈光十足，裝潢令人感覺置身夏威夷，而Poke其實係夏威夷既詞語🤩餐廳有五款signature poke，客人亦可以自己customize，最過份係加$38可以有多60g🥰- 輕盈之選加豆腐份量係我食過既Poke最大，入面有三文魚、青瓜同蕃茄。三文魚幾新鮮，配上酸酸甜甜既蜜糖香醋汁非常開胃，材料同飯既比例大約1:1，所以幾抵食👍🏻- 加州風味一樣係signature poke，一樣都係好大碗。材料有三文魚、青瓜、雞蛋絲、三文魚籽，口感更加豐富，果仁芝麻醬亦唔錯，整體賣相色彩繽紛令人胃口大開。不過個人認為落得太多醬汁，食到最後變左湯飯😝飲品方面我朋友叫左桂花烏龍，造型十足聖誕樹非常得意，不過飲落好唔方便，因為開樽蓋位置係下面🤣餐廳亦有可樂等汽水選擇。自己太貪心叫左加大，結果肚濟左三十分鐘，其實regular size都好足夠。