燒烤堂

營業中

休息中

返工返到好攰，諗住同朋友去放鬆下，見到本來係厚福街嘅燒烤堂搬咗去諾士佛台，朋友就話去食串燒啦。七點嚟到已經見到有幾班人喺度等緊位，入邊滿座，生意好好😮呢度仲有好多限定串燒，都幾吸引！鹽燒三黃雞腿肉🐓分店限定串燒，原隻三黃雞腿，有半個手臂咁長，甜辣口味，非常抵食！焦糖鰻魚芝士玉子燒🥚燒烤堂名物之一，因為好鍾意食鰻魚，直接叫咗兩串，焦糖嘅香味同芝士玉子真係好夾，食完一定好滿足！汁燒煙韌年糕卷豚肉卷包住煙靭嘅日式年糕，咬落去有豬肉汁又有好似麻糬咁嘅口感，都幾特別。欖角粉絲蒜蓉燒蟶子黎得食串燒一定要嗌海鮮，蟶子都幾大個，上面鋪左滿滿蒜蓉同埋粉絲，食落好香蒜蓉味好惹味。秘製燒羊架羊架係用新疆孜然風味燒嘅，冇羶味而且肉質唔錯，值得一試。糖不甩燒芝麻湯圓最期待嘅甜品之一，燒過嘅芝麻湯圓外脆內軟，入邊仲有黑芝麻餡，沾糖不甩粉食真係正!