影片
更多
2024-04-24
68 瀏覽
👦🏻👧🏻我哋兩個都係超級鍾意打邊爐，所以今次去咗間近期熱門嘅台式火鍋店，食120分鐘晚市放題，分別有三個級別套餐選擇，我地揀咗SRF美國極黑和牛片套餐🥩，星期一至四$298/位。套餐包咗多款肉類、海鮮、火鍋配料、涼拌小食同炸物等等，仲有自助式嘅雪糕機🍦同任飲梅酒清酒🍶！甜品櫃仲有超多款甜品，仲有我最愛嘅Häagen-Dazs雪糕任食啊🍨😍！飲品櫃放滿咗多款無酒精飲品同冷泡茶🍵，我哋最鍾意飲佢哋嘅港式奶茶同埋珍珠奶茶🧋，奶茶香醇濃厚，口感幼滑💕～🍲湯底揀咗新推出嘅龍蝦頭鍋底，有原個龍蝦頭喺湯入面，湯底似醬油味，鹹鹹地帶有龍蝦嘅鮮味。🥩肉類推介✨SRF美國極黑和牛片：每碟有3-4片，口感十分柔軟，油花豐富，肉味相當濃郁而且入口即化！✨美國牛肩胛片：肉質結實，鮮嫩多汁，比較有嚼口。🦐海鮮推介✨海參：廚房已經預先切開咗，細細條煮嘅時候容易熟透，口感軟腍彈牙。✨蜆肉：蜆肉脹卜卜，鮮甜肥美，清洗得乾淨冇沙。✨海蝦；肉質結實彈牙，蝦頭有膏～🥟火鍋配料推介✨竹笙釀蝦滑：竹笙好吸湯，入口包住嘅蝦滑爽口彈牙！✨鹹蛋黃流心丸：微笑樣子好可愛，奶黃味濃郁充滿鹹香，味道好似奶黃流心月餅🤣～🍗炸物推介✨醬爆糍粑：
🍲湯底揀咗新推出嘅龍蝦頭鍋底，有原個龍蝦頭喺湯入面，湯底似醬油味，鹹鹹地帶有龍蝦嘅鮮味。
🥩肉類推介
✨SRF美國極黑和牛片：每碟有3-4片，口感十分柔軟，油花豐富，肉味相當濃郁而且入口即化！
✨美國牛肩胛片：肉質結實，鮮嫩多汁，比較有嚼口。
🦐海鮮推介
✨海參：廚房已經預先切開咗，細細條煮嘅時候容易熟透，口感軟腍彈牙。
✨蜆肉：蜆肉脹卜卜，鮮甜肥美，清洗得乾淨冇沙。
✨海蝦；肉質結實彈牙，蝦頭有膏～
🥟火鍋配料推介
✨竹笙釀蝦滑：竹笙好吸湯，入口包住嘅蝦滑爽口彈牙！
✨鹹蛋黃流心丸：微笑樣子好可愛，奶黃味濃郁充滿鹹香，味道好似奶黃流心月餅🤣～
🍗炸物推介
✨醬爆糍粑：口感軟糯煙靭，有啲似食麻糬咁，入面係爆醬紅糖，一咬爆汁！
✨炸乳鴿：熱辣辣新鮮炸起，乳鴿皇炸到外皮香脆，入面保留肉汁，非常Juicy！
✨芝麻雞翼：外皮金黃酥脆，好香芝麻味，雞肉非常嫩滑多汁～
@beefstationtst
📍 牛站(駅)麻辣火鍋放題 (尖沙咀)
尖沙咀加連威老道2-6號愛賓商業大廈1樓102號舖
張貼
