影片
更多
2025-01-01
2264 瀏覽
尖東 K11 Musea夜上海今年聖誕節去食中菜，當係聖誕大餐，中菜訂位相對較西餐容易好多。北京填鴨兩食北京填鴨鴨皮片得好薄，薄皮冇帶任何鴨肉，而且燒得啱啱好，帶濃郁油脂香氣，鴨皮較為煙韌有咬勁，薄餅厚度超薄兼帶淡淡麵粉香味，而且用個暖鍋keep住薄餅溫度，可惜一拎出嚟就凍得好快，夾埋鴨皮大蔥青瓜甜醬一齊食，滿口香味濃郁，口感複雜豐富。鴨絲炒芽菜鴨肉味道滿溢，肉質較為煙靭，同芽菜一齊時入口感覺幾特別，芡汁畧爲過多，味道清淡冇偏鹹。陳皮糖醋排骨屬於凍食前菜，甜甜酸酸偏甜，淡淡果皮味，如果唔留意差啲食唔出，肉質偏實要俾啲牙力去𡁻，適合做醒醒胃飯前菜。海參鱔糊鱔肉質較為腍身，鱔魚肉味淡，唔會太過濃烈或者鹹味過重，顏色雖然深黑，整體味道屬於偏淡，但烹調落油一啲都唔手軟，炒鱔糊水準略為遜色。沙律香芒蝦卷炸得夠脆及乾身冇油淋淋，蝦味及芒果味缺乏，只係見到非常少少芒果肉，一啲都食唔出香芒味，蝦肉夠爽無𧎚味，下次可以唔使試。雷沙湯丸皮厚軟糯夠韌力，流心芝麻餡料味淡微甜，黃豆粉及芝麻都欠缺香味，但係夠新鮮補返數。鐵觀音茶味清淡，香氣亦較為淡薄，帶甘香冇苦澀味，茶葉質量過關可以。侍應殷勤有禮貌，服務有水準
今年聖誕節去食中菜，當係聖誕大餐，中菜訂位相對較西餐容易好多。
北京填鴨兩食
北京填鴨鴨皮片得好薄，薄皮冇帶任何鴨肉，而且燒得啱啱好，帶濃郁油脂香氣，鴨皮較為煙韌有咬勁，薄餅厚度超薄兼帶淡淡麵粉香味，而且用個暖鍋keep住薄餅溫度，可惜一拎出嚟就凍得好快，夾埋鴨皮大蔥青瓜甜醬一齊食，滿口香味濃郁，口感複雜豐富。
鴨絲炒芽菜
鴨肉味道滿溢，肉質較為煙靭，同芽菜一齊時入口感覺幾特別，芡汁畧爲過多，味道清淡冇偏鹹。
陳皮糖醋排骨
屬於凍食前菜，甜甜酸酸偏甜，淡淡果皮味，如果唔留意差啲食唔出，肉質偏實要俾啲牙力去𡁻，適合做醒醒胃飯前菜。
海參鱔糊
鱔肉質較為腍身，鱔魚肉味淡，唔會太過濃烈或者鹹味過重，顏色雖然深黑，整體味道屬於偏淡，但烹調落油一啲都唔手軟，炒鱔糊水準略為遜色。
沙律香芒蝦卷
炸得夠脆及乾身冇油淋淋，蝦味及芒果味缺乏，只係見到非常少少芒果肉，一啲都食唔出香芒味，蝦肉夠爽無𧎚味，下次可以唔使試。
雷沙湯丸
皮厚軟糯夠韌力，流心芝麻餡料味淡微甜，黃豆粉及芝麻都欠缺香味，但係夠新鮮補返數。
鐵觀音
茶味清淡，香氣亦較為淡薄，帶甘香冇苦澀味，茶葉質量過關可以。
侍應殷勤有禮貌，服務有水準。食肆設計華麗夠曬性格，似足舊上海奢侈華麗風格。碗筷杯碟清潔乾淨，但甜品叉有汚積要更換，碗碟杯筷過於簡單，未夠精緻。枱凳餐椅較為逼夾，座位之間缺乏空間，侍應上菜都唔太方便，餐桌細小兩三個餸菜已經擺唔落，聖誕節當日下午飯時間都坐滿食客顧客。
張貼
