94
26
25
| 餐廳: | 夜上海 |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
獎項殊榮
米芝蓮一星餐廳 (2021-24)
營業時間
今日營業
11:30 - 14:30
18:00 - 22:00
星期一至日
11:30 - 14:30
18:00 - 22:00
以上資料只供參考, 請與餐廳確認詳情
相關文章
10月秋蟹季來臨！秋意越發濃厚，正正係享受秋蟹既好時節！今晚去咗K11 MUSEA夜上海，品嚐豐富蟹味盛宴！🥢江南脆鱔上枱時已聞到陣陣醋香，食落香脆醋味足，入口鬆脆酥甜，味濃帶陣陣醋香！🥢花雕醉雞酒香醃漬得相當入味，雞肉軟嫩有彈性，入口帶陣陣花雕酒香，香而不濃！🥢腌篤鮮色澤乳白既上湯有齊百頁、竹笋、雲腿、鹹肉等，口味鹹鮮，新鮮食材形成獨特鮮美口感🥢江蘇大閘蟹來自江蘇既雄蟹大大隻，約重五両半至六両，口感回甜、肉質細膩，配以黏口又甘香既蟹膏，香甜四溢，實在令人回味無窮！🥢夜上海二十年陳太雕皇二十年陳太雕皇酒色深邃、口感份外濃醇，配搭時令大閘蟹就最好不過！🥢蟹粉扒海釣黃魚優質黄鱼口感柔嫩滑嫩，配以鮮美蟹粉，入口甘甜、鮮味直達口腔🥢蟹粉花膠爽滑花膠食落軟腍帶彈牙感，加入濃厚蟹粉，兩者相互交織，口感細稠香綿🥢蟹粉銀鱈魚蒸肉餅將銀鱈魚入饌，搭配肉餅、蟹粉，細嫩啖啖肉，食落香口嫩滑又彈牙，有驚喜！🥢蟹粉小籠包精緻小籠包配以金黃色蟹粉，蟹味濃郁唔會腥、配飽滿肉餡，加上外皮夠薄，時令鮮味令人食指大動！🥢砂鍋鹹肉菜飯菜飯以砂鍋原鍋上，打開蓋即聞到香氣逼人，爽嫩鹹肉配油亮菜飯，實而不華🥢孜然羊肋骨羊肋骨經精心烹調，味道醇厚、肉質鮮嫩無比，配以香濃孜然調味，有助減去羊肋骨膻味，更可增添獨特風味，羊肋骨＋孜然，簡直係絕配！🥢木桶豆腐花口感滑捋捋、豆味突出，食落散發醇香豆味，新鮮熱辣辣夠哂香濃！夜上海🌟地址: 尖沙咀梳士巴利道18號維港文化匯K11 Musea 7樓702號舖
繼續閱讀
踏入最令人期待嘅秋蟹季啦😍呢個時候，蟹肉最鮮甜豐嫩，蟹黃、蟹膏都格外肥美，絕對係令人無法招架既鮮美極品🔥🔥今晚一行8人黎到位於K11 MUSEA嘅夜上海✨可以望住無敵海景，嘆返餐大閘蟹盛宴😋🔹江南脆鱔集甜、鹹、酸於一身，切成幼條之鱔肉經油炸後，再沾上糖醋汁，酥脆惹味、酸甜又開胃🔹花雕醉雞選用優質靚雞，雞味特別濃，花雕香完全滲透至雞件，口感嫩滑夾雜花雕酒香，令味道大大昇華🔹腌篤鮮腌篤鮮屬江南人家之家常菜餚，上湯煨煮至湯白汁濃，加入五花肉、百頁結、雲腿、竹笋等食材，湯頭鮮味濃厚，鹹鮮又開胃🔹江蘇大閘蟹以鮮爽甜美而聞名既江蘇雄蟹，每隻約五両半至六両重，份量十足！正值蟹季，蟹肉肥美飽滿，蟹膏又夠甘香、鮮味十足，食落啖啖綿密細膩🔹夜上海二十年陳太雕皇陳年20年之雕皇，顏色明顯較深，醇香十足，入口酸爽醇厚，帶宜人微甜，既順滑又爽口🔹蟹粉扒海釣黃魚特選優質黃魚，肉質極其鮮嫩美味，加入濃稠蟹粉，散發迷人蟹黃香！🔹蟹粉花膠以矜貴花膠入饌，滿滿骨膠原，入口軟嫩爽滑～花膠沾滿蟹粉，蟹香十足，鮮味滿分🔹蟹粉銀鱈魚蒸肉餅蒸肉餅成日食，無諗過原來配搭蟹粉、銀鱈魚係咁鮮香！彈牙嫩滑之肉餅加入脂肪含量高又多汁既銀鱈魚，再搭配鮮香蟹粉，口感層次極為豐富～🔹蟹粉小籠包蟹粉佔餡料比例多，混入豬肉餡，食落充滿蟹粉鮮香，再夾雜肉香甜味，令人齒頰留香🔹砂鍋鹹肉菜飯菜飯油油亮亮，帶著清香，菜粒炒熟後依然保持青綠～配搭鹹肉同食，鹹香味美，鑊氣滿溢🔹孜然羊肋骨羊肋骨外焦內嫩，肉質鬆軟香嫩，加入孜然粉，味道香濃鮮美，入口羊肉啖啖軟稔幼嫩🔹生磨蛋白杏仁茶味甜潤肺杏味濃，配順滑蛋白，杏仁香濃郁撲鼻，食落每啖都充滿新鮮杏仁香夜上海✨📍尖沙咀梳士巴利道18號維港文化匯K11 Musea 7樓702號舖
繼續閱讀
昨天終於感受到陣陣秋意來臨！這個時候正是品嚐大閘蟹的好時機，所以就跟好友們走到擁有維港美景的餐廳品嚐初秋第一蟹大快朵頤。我們來到位於K11 MUSEA的夜上海，於典雅的裝潢及靚景下品嚐一系列星級的蟹味盛宴。這夜我們品嚐到的是江蘇雄蟹，每隻大約五両半至六両重份量十足。有大閘蟹當然少不了靚花雕酒！夜上海陳年花雕分別有八年跟二十年的選擇，懂喝當然選擇二十年陳太雕皇$680吧。餐廳更貼心送上一盤有不同味道的酒杯，大家可以各自選取喜歡的杯款來品酒。我選了最傳統的萬壽無疆高腳杯，用它來品嚐陳年花雕簡直是絕配，二十年陳太雕皇呈澄澈琥珀色，酒香馥郁芬芳喝下味道甘香醇厚好正喔。嘆過靚花雕之後蟹宴亦蓄勢待發，大家也磨拳擦掌期待擦蟹的一刻。率先品嚐經典的上海前菜！江南脆鱔$128炸得非常酥脆，裹上鹹甜醬汁吃下香口不膩越嚼越香。花雕醉雞$118賣相工整好吸睛，雞件皮爽肉嫩還滲出陣陣酒香芳香美味。腌篤鮮$88/位以雲腿、雞湯、百頁、竹筍來煨煮，再加上鹹肉來提鮮煮至成乳白色的湯頭，鹹鮮味道非常吸引味蕾要喝光沒難度啦。江蘇大閘蟹五兩半至六兩重$380/隻！橙黃耀眼的大閘蟹賣相夠雄赳，餐廳非常貼心附拆蟹服務就算不太懂吃的朋友亦可以舒服地品嚐。不過我從來喜歡自己親手炮製大閘蟹！所以就選擇了全隻上檯跟它慢慢談心。拆開後大閘蟹羔尚算豐滿蟹肉非常鮮甜，相信過多一個月大閘蟹會更加肥美滋味，吃罷切記嘆杯奉送的薑茶暖胃啊。繼續品嚐一系列蟹粉美味菜式！蟹粉花膠$550以甘香蟹粉包裹著口感煙靭的養顏花膠，味道跟食療功效也是一絕尤其受女士們的歡迎。蟹粉扒海釣黃魚$800選用以出產上等黃魚品牌「閩東壹魚」的優質黃魚來炮製！黃魚口感鮮嫩而且彈性十足，加上濃香蟹粉的襯托下更見鮮味出眾。蟹粉銀鱈魚蒸肉餅$600這道菜非常特別！以銀鱈魚、肉餅加蟹粉來炮製肉餅真的坊間少有，但這組合吃下完全沒有違和感，更好味得想點個「靚仔」來伴吃呢。蟹粉小籠包$200/4隻絕對不能錯過！可以筷子夾起蕩漾不穿手工合格，小籠包皮厚薄適中吃得舒服，內裏肉球鬆化加上甘香蟹粉吃罷齒頰留香。單尾來一客砂鍋鹹肉菜飯$220！香甜的菜飯弄得可口絕對不難清碗。甜品我品嚐了滋補紅棗糕$68/4件！煙靭軟糯的口感配上紅棗的香甜，紅棗糕這款甜品總輕易令人傾心。不過我更喜歡木桶豆腐花$168/4位用！喜歡這兒的豆腐花很有質感不是盲目追求滑溜口感，擁有濃郁豆香加少許黃糖已經非常好吃了。喜歡嘆大閘蟹的朋友真的要趁著這兩個月好好品嚐喔。
繼續閱讀
每年都會同媽咪出街食一次大閘蟹宴，前年食過一次夜上海，上一年食咗另一間餐廳。但呢兩年來對夜上海嘅蟹粉釀蟹蓋念念不忘，今年決定重返夜上海😋前菜拼盤有5款，分別有：鵝肝蟹BB、香蔥雞髀菇、古法煙鴨蛋、青瓜海蜇頭及花雕醉雞當中有幾樣係招牌前菜，煙燻鴨蛋同雞髀菇係我嘅至愛💖至於蟹宴獨有嘅鵝肝蟹BB，我覺得麻麻哋，有陣苦苦甘甘嘅味道，唔係好識欣賞😰湯品係金華火腿陳皮燴花膠，好多花膠絲，十分足料🍲之後就係重頭戲——清蒸大閘蟹🦀 職員介紹係6兩公蟹，拎去蒸之前會先攞去位俾客人睇一睇，確保兩隻蟹係生猛仲識郁。蒸完之後會喺客人面前拆蟹，將內臟拎晒出嚟，唔洗自己郁手，拆完之後會砌返靚靚擺喺面前🤩今次嘅蟹都好多膏，配埋酸酸甜甜嘅蟹醋就更加好食❤️食完蟹就會上其他小菜，蟹粉河蝦仁同蟹粉釀蟹蓋好好食，撈咗少少XO醬食，仲正😝😝😝甜品係燕窩蛋白杏仁茶，唔係太甜，有淡淡嘅杏仁味，對唔鍾意食杏仁茶嘅我嚟講啱啱好，可以接受🤣蟹宴嚟講，夜上海唔平，質素都ok，可以之後再幫襯食普通上海菜。Ps 今次坐窗邊位，有得睇維港夜景同太空館嘅南瓜show，成餐飯大大加分⭐️
繼續閱讀
本身喜歡上海菜，見到夜上海都出咗中式鹹點為主調的中西下午茶，就相約朋友來試試～環境：餐廳感覺不太大，但環境幽靜舒適，很多窗邊位置的枱，另外也有卡位，方便同朋友靜靜地傾下計～食物：最底一層的冷盤最出色！🥳4款涼菜味道各有特色，香橙車厘茄酸酸甜甜而帶自然的橙味；煙燻蛋有適中不過淡或過濃的煙燻味，蛋味濃，溏心的生熟度也剛好；肴肉上的小珠竟是鎮江醋！非常驚喜；翠玉瓜絲的調味就像涼伴海蜇有好香麻油味😋中間一層的三款炸焗點心就比較多油，而且是預製所以上枱已是凍，相信熱辣辣食會好食好多。蘿蔔絲酥內餡是淋淋的蘿蔔蓉為主，有別我在其他地方食的一絲絲蘿蔔絲，不知道邊款才是正宗；春卷是素食，有椰菜同木耳絲，個人最鍾意的一款～最上層的4件迷你西式甜點意外地出色！雖然蛋糕款式經典且不花巧，每一款都好好味😋朱古力布朗尼更有脆脆在底部；藍莓芝士蛋糕不會太厚實不會漏；檸檬mousse cake酸甜清新開胃但不過酸；tiramisu也很輕盈不膩🍰
繼續閱讀