MAMTOM

MAMTOM位於尖沙咀海旁，係新開張既越南酒吧餐廳，店內環境燈光柔和，仲有室內和室外座位，感覺寬敞舒適。Pho Bo Beef：湯底好香牛骨湯味，配上葱花、炸蒜、洋蔥，超級濃郁，生牛肉鮮嫩軟腍，河粉爽口彈牙，真係好好食。DIY：可以自由配搭既越式米子卷，用米紙包住唔同既食材，包括青瓜、蘿蔔絲、生菜、檬粉、菠蘿等，咬落去有煙靭既米紙，又有新鮮既菠蘿，同埋香脆既蘿蔔絲同青瓜，蘸上酸酸地既魚露醬汁，非常清爽開胃。Morning glory：炒得好夠鑊氣，通菜保持翠綠爽脆，越式蝦醬咸香惹味。Grilled Lamb Chop：羊排經過高溫燒烤，仍能保留鮮嫩肉質和多汁口感，而且充滿迷迭香和橄欖油既味道。Durian sticky rice & coconut sundae：上枱飄來陣陣榴槤香味，面層有兩球椰子雪糕，中間仲有口感軟糯既糯米飯，榴槤果蓉入口綿滑，味覺有豐富層次感。總結，餐廳食物煮得用心，配搭特別，擺盤精美，令人在品嚐過程中滿載驚喜。