螢火

最近適逢有朋友仔生日，就揀左呢間有得放天燈既鐵板燒同佢慶祝，食材高質又矜貴，味道好好食，望住師傅響面前煮好似一場視覺享受。❀拖羅刺身❀拖羅既脂肪分佈好似雪花咁，好有天然魚油脂既甘香，食落入口即溶😋另外仲有個沙律，超大碟d菜新鮮清甜。❀南非鮑魚❀鮑魚好鮮嫩又彈牙，海水味幾重，再淋上青海草汁響面，隔離仲有黑松露醬及鮑魚肝醬，點住食別有一番風味。❀清酒煮蜆❀用上鋁箔燒形式烹調，煮好後個湯特別清甜，蜆肉新鮮又大粒，我地好快就食哂。❀鵝肝多士❀呢款係焦糖鵝肝配柚子啫喱，望落好似甜品咁靚🥰焦糖中和左鵝肝既油膩感，入口細膩超正。❀美國牛肉厚燒❀呢款美國牛柳我地揀左厚燒，只見師傅好快手地將牛柳切成一口牛柳粒，兩邊煎香，食落牛味濃又juicy，伴菜有羽衣甘藍，仲可以點少少芥辣沙律醬食。❀櫻花蝦炒飯❀面頭個燶邊太陽蛋超吸睛，可以用蛋汁撈返食😄炒飯炒到粒粒分明兼乾身，唔錯。❀湯及漬物❀個湯係麵豉湯，飲完個身暖暖地。❀開心果雪糕❀最尾食返個雪糕作結，開心果味濃，仲有少少開心果碎碎。見到餐廳原來仲有鐵板燒大房可以Book，決定下次同成班fd再試下先😆