螢火

螢火嘅裝潢高級，空間好大，寬敞舒適。大家如果同朋友聚會的話，仲可以book VIP房，私隱度好高。餐廳仲有一個特別嘅打卡位 ——係平板電腦寫上祝福嘅字句，然後大螢幕嘅天燈會隨即出現你寫嘅祝福字句，就好似去咗台灣放天燈咁😙餐廳除咗有鐵板燒套餐之外，仲有omakase！套餐有好多款式同價錢，豐儉由人😆------------------------------商務精選午餐（一人前）$540🥢拖羅刺身🥢沙律拖羅鮮甜肥美，係開胃之選。沙律配上柚子醋，清新解膩。🥢南非鮑魚鮑魚好新鮮，未煮之前仲係好生猛🙊鮑魚大大隻，口感好爽彈，配上青海草汁更凸顯鮮味😍如果想濃味啲，隔離仲可以點鮑魚肝醬。🥢鵝肝多士鵝肝表面煎至金黃色，肉汁飽滿，邪惡感爆登！烘乾咗嘅麵包亦脆卜卜，點埋焦糖醬食好滋味。旁邊嘅柚子果凍配搭好特別，酸酸地可以解膩。🥢清酒煮蜆蜆好大隻，鮮味十足。由於好多酒已經蒸發咗，所以湯嘅酒味唔濃，剩低嘅湯充滿蜆嘅鮮味同海草味，小編忍唔住飲多幾啖😆🥢美國牛肉厚燒餐牌可以選擇牛肉薄燒或者厚燒、豚肉或者轉日本和牛。小編點咗五成熟嘅厚燒牛肉，味道真係唔錯。牛肉好軟腍，肉汁豐富。牛肉可以連埋芥末醬同蒜片食，令到成道