MAMTOM

尖東呢邊啲餐廳環境chill啲，適合慢慢享受😎 呢間越泰菜有室內室外座位，飲嘢食嘢都一流！先叫咗個蝦柚子沙律 $138。泰式沙律最緊要係酸甜鹹夠晒層次，呢個做得唔錯！啲蝦夠新鮮，柚子清甜，味道平衡。配料豐富，有腰果、紅蔥頭，仲有啲香草🌿之後蟹肉炒飯 $158，蟹肉份量都算多，炒飯帶鑊氣，炒得幾香！配料有蔥花、芫茜，簡單但夠香。炸紅鯛魚配羅望子醬 $298，條魚夠新鮮大條，炸得香脆又唔會太油，啲羅望子醬酸甜適中，同條魚夾埋好開胃！蒜蓉炒芥蘭仔 $58，夠哂咸香。甜品鳳梨雪葩配新鮮菠蘿 $128，賣相好靚，用真菠蘿殼盛載！個雪葩夠清新，菠蘿味香甜，最啱同朋友share。