桂花小幸 (元朗廣場)

營業中

休息中

餐廳位於商場底層，位置方便，午飯時間都 經常都見到有人排隊等位。去當日是平日大約下午一點半，午飯潮已過，門口亦不見有人排隊，店內有一半空枱。見到有2位客人想坐卡座，但店員堅持卡座只可以坐4位😳《$82 紅燒惹味牛腩麵》⭐️⭐️⭐️《+$6 轉蕃茄湯 +$8 滷水蛋 +$8 金牌咖啡》之前試過牛肉麵湯底，今次試下個蕃茄湯先。蕃茄湯酸酸地幾開胃，仲有炒出左甜味既洋蔥。牛腩都煮得好淋，好入味。今次叫左台灣麵，係比較粗既麵條，咬落幾重麵粉感，但整體黎講都算唔錯。加左錢加隻滷蛋，正常幾入味，唔會好咸，但金牌咖啡飲落香滑，但冇咩特別。 《滷水豆腐》 ⭐️⭐️⭐️套餐跟左一個小食，揀左滷水豆腐，豆腐份量都唔少，滷得幾入味，唔錯。《$74 鹽酥雞扒雞肉飯》 ⭐️⭐️餐飯有兩大塊雞扒，炸到好脆，但又保持到裡面唔會太乾，但調味唔太夠，話得鹽酥但咸味不足。飯入面既雞肉絲好鞋身，似食緊白烚雞胸既口感。 《手拍青瓜》⭐️⭐️⭐️ 跟餐小食，涼拌青瓜好重醋酸味，好開胃。七十幾八十蚊一個麵，定價本身就比較高，再加上好多額外收費，例如飲品要加錢，博湯底又要加錢，雖然明碼實價，但加加下唔覺意就過百蚊，值唔值就見人見志啦，個人黎講覺得食物唔