十和田總本店

營業中

休息中

今日經過尖沙咀，見到呢間日本野好靚仔，望個門面已經覺得好似幾出眾，同老公入去trytry, 發現都係走少貴路線，所以期望幾高！我地叫左好多野食，試左小食又試左啲壽司，全部都好不錯，有枝豆，雞泡魚乾、明太子沙律、芝士年糕！全部都好好食，特別係明太子沙律口感卜卜脆好爽口，好得意我同老公都第一次試！啲小食的確係有啲驚喜！而佢個壽司都冇令我哋失望，叫咗個吞拿魚三食，個拖羅超級肥美入口好Juicy, 啲油脂支晒出嚟！我哋都有嗌左火炙左口魚裙邊壽司，都好好食！兩個人食咗六百幾蚊，超級飽，本身想叫個壽喜燒火鍋，發現太飽冇叫到，下次會再嚟試！