影片
更多
2023-05-07
524 瀏覽
因為下星期就母親節，但就怕正日出去食飯會好多人同埋比人劏，所以就提早同我媽媽慶祝，而今次我就揀咗去岩岩攞咗米芝蓮一星嘅廚魔名人坊去一探究竟。本身Book咗夜晚7:15，但就早咗到，職員都好貼心見我地有孭袋就拉多張櫈俾我地放袋。廚魔名人坊嘅裝修感覺上係走私房菜嘅路線，並無用到好多金碧輝煌嘅裝飾，反而係更加平實嘅路線，另外再掛上啲畫作，睇得出佢地係想用實力去留住啲客人。今次因為同爸爸媽媽四個人食，所以就可以嗌多少少嘢，我地分別嗌咗：1）燕窩釀鳳翼 2隻 ⭐️⭐️⭐️⭐️ / ⭐️⭐️⭐️⭐️⭐️2）青瓜拼蔥油海蜇 ⭐️⭐️⭐️ / ⭐️⭐️⭐️⭐️⭐️3）花雕飛天雞 1隻 ⭐️⭐️⭐️⭐️ / ⭐️⭐️⭐️⭐️⭐️4）生拆蟹肉炒粉絲 ⭐️⭐️⭐️⭐️⭐️ / ⭐️⭐️⭐️⭐️⭐️5）竹笙紅燒豆腐 ⭐️⭐️⭐️⭐️ / ⭐️⭐️⭐️⭐️⭐️6）養顏棗重糕 ⭐️⭐️ / ⭐️⭐️⭐️⭐️⭐️7）黃金流沙包 ⭐️ / ⭐️⭐️⭐️⭐️⭐️首先嗌咗個燕窩釀鳳翼2隻，我個人覺得口感好出色，雞翼炸到恰到好處，外皮好脆，而裏面嘅燕窩一梳梳帶俾你反差嘅口感，再加上外熱內暖，我覺得要拿捏個火候係要好有技巧，我個人係幾喜歡呢道餸，但我另一半同我媽媽就認為中規中矩。之後就上黎前菜嘅青瓜拼蔥油海蜇，呢個係有少少失望，海蜇好粗亦
本身Book咗夜晚7:15，但就早咗到，職員都好貼心見我地有孭袋就拉多張櫈俾我地放袋。廚魔名人坊嘅裝修感覺上係走私房菜嘅路線，並無用到好多金碧輝煌嘅裝飾，反而係更加平實嘅路線，另外再掛上啲畫作，睇得出佢地係想用實力去留住啲客人。今次因為同爸爸媽媽四個人食，所以就可以嗌多少少嘢，我地分別嗌咗：
1）燕窩釀鳳翼 2隻 ⭐️⭐️⭐️⭐️ / ⭐️⭐️⭐️⭐️⭐️
2）青瓜拼蔥油海蜇 ⭐️⭐️⭐️ / ⭐️⭐️⭐️⭐️⭐️
3）花雕飛天雞 1隻 ⭐️⭐️⭐️⭐️ / ⭐️⭐️⭐️⭐️⭐️
4）生拆蟹肉炒粉絲 ⭐️⭐️⭐️⭐️⭐️ / ⭐️⭐️⭐️⭐️⭐️
5）竹笙紅燒豆腐 ⭐️⭐️⭐️⭐️ / ⭐️⭐️⭐️⭐️⭐️
6）養顏棗重糕 ⭐️⭐️ / ⭐️⭐️⭐️⭐️⭐️
7）黃金流沙包 ⭐️ / ⭐️⭐️⭐️⭐️⭐️
首先嗌咗個燕窩釀鳳翼2隻，我個人覺得口感好出色，雞翼炸到恰到好處，外皮好脆，而裏面嘅燕窩一梳梳帶俾你反差嘅口感，再加上外熱內暖，我覺得要拿捏個火候係要好有技巧，我個人係幾喜歡呢道餸，但我另一半同我媽媽就認為中規中矩。
之後就上黎前菜嘅青瓜拼蔥油海蜇，呢個係有少少失望，海蜇好粗亦好爽，可惜佢嘅蔥油味道唔夠，令到個成味道偏淡，最後係要用佢地嘅XO醬去配先覺得生色不少。
花雕飛天雞呢個招牌菜原來係要預先訂，真係大懵，好彩侍應同我哋講廚師都照做俾我哋，但就要等耐多少少，但等待個人覺得係值得，一上菜本身隻雞有淡淡嘅花雕味，以為佢比較淡味，到食落去陣花雕味同鹹鮮味就越嚟越出，但又唔會over咗，雞肉亦好嫩滑，雖然隻雞略帶少少肥，但食完又唔會覺得好油膩，好適合用嚟送飯。
之後就嗌咗個主食，就係全晚最精彩嘅係生拆蟹肉炒粉絲，本身對呢個期望唔算太大，但確實做到喜出望外，蟹肉係食到一梳梳，粉絲帶出蟹肉嘅鮮味同口感，雖然中菜比人嘅感覺會用好多醬料，但呢個炒粉絲卻令人會有一直想食落去嘅衝動，全家人都讚不絕口。
最後就嗌多個竹笙紅燒豆腐素菜，豆腐能夠做到外脆內嫩，冬菇亦片到好薄身，但就保留到菇嘅鮮味同口感，反而竹笙份量較少，因為我都冇食過，但整體嚟講都唔錯。
去到最後侍應俾個menu我地去嗌甜品，其實本身都已經夠飽，不過想好頭好尾，又難得黎到食，所以就點咗養顏棗重糕同黃金流沙包各三件，侍應好貼心問我地需唔需要改做四件，每人都可以有得食，但因為我地都係抱住試下嘅心態，所以就婉拒咗，事實證明應該係連甜品都唔應該嗌，因為成晚嘅敗筆位就係甜品，食得出呢兩款甜品似係工場整好再整返熱🥲棗重糕事實上食唔到紅棗嘅味道，亦都落咗好多糯米嘅關係變相勁煙靭，唔係我地expect嘅口感，而流沙包就更加不值一提，包皮係鬆散好粉，裏面個餡亦都唔流沙，呢個甜品確實係失望。
成餐飯其實都食得好舒服，環境亦都闊落，雖然隔離枱都有客人，但就唔會因為大家嘅傾偈影響到大家。侍應亦都好貼心好有禮貌，見到骨碟有骨都會主動幫我哋換，亦會貼心問得地需唔需要更改個份量怕我地唔夠食等等。而餐廳位置亦都鄰近地鐵站。最後埋單4個人$2000，個人嚟講覺得物有所值，最重要老人家都食得開心。可惜全晚個敗筆位就係甜品，唔係就完美啦。
49 瀏覽
0 讚好
0 留言
21 瀏覽
0 讚好
0 留言
23 瀏覽
0 讚好
0 留言
8 瀏覽
0 讚好
0 留言
82 瀏覽
0 讚好
0 留言
57 瀏覽
0 讚好
0 留言
83 瀏覽
0 讚好
0 留言
198 瀏覽
0 讚好
0 留言
張貼
