生原創(蛋包飯) (已結業)

今年嘅工作量特別多，搞到連星期日都要返公司忙一陣！辛苦揾嚟志在食，一於放工去揾啲好嘢食，補充吓能量先 ！記得之前行經天后，見到有間蛋包飯店，名叫“生原創”，除咗賣點~蛋包飯之外，仲有唔少美味嘅小食 呢 ！就試下呢間喇 ……店子小巧，居酒屋式嘅格調佈置 ，感覺悠閒親切！侍應生安排我倆坐bar枱，我哋一心打算主攻小食，無奈坐低先發現lunch時段只得lunch set供應，小食得几款咋 ！唯有向蛋包飯低頭了……1.秘汁鰻魚蛋包飯$108 ：我地揀咗咖哩汁，微甜而不太辣！飯唔硬亦唔軟，香濃嘅咖哩汁配軟滑嫩蛋 ，yummy yummy ！加埋嫩口鰻魚肉 ，口感更豐富，可惜鰻魚肉太少，唔夠喉囉 ！呢個set包埋沙律及飲品 。加18蚊有個流心蛋，不過我哋對流心蛋麻麻，無加到。2.芝士無骨雞翼$58 ：炸雞翼，外皮酥脆熱辣辣 ，内裡啖啖嫩雞肉 ，好肉地 ！芝士唔多，感覺唔會膩！點沙律醬而食，同樣味美 ！如果午市做多啲小食，應該會更受歡迎 ！